Malakhi 1:7 - Tedim Bible Revision 2017

⁷ Note in ka biakna tau tungah keimah biakna-in an gina lopite hong pia hi napi-in, ‘Kong zahtak bawl lohna uh bang om ahi hiam?’ na ci uh hi. Ka biakna tau simmawh bawl na hih manun hong zahtak bawl lo na hi uh hi.

Tedim Bible

⁷ Note in ka biakna tau tungah keimah biakna-in an ginalopite hong pia hi napi-in, ‘Kong zahtak bawl lohna uh bang om ahi hiam?’ na ci uh hi. Ka biakna tau simmawh bawl na hih manun hong zahtak bawl lo na hi uh hi.

Malakhi 1:7 Referans Kwoze

Malakhi 1:12

Ahi zongin note in keima biakna tau bangmah a man nei loin genin, tua biakna tau tunga na piak uh ante na thupi ngaihsut loh uh ciangin, keimah a hong simmawh na hi uh hi.

1 KORIN MASA 10:21

Note in Topa tawh nekkhawmna hai sung pan le dawi tawh nekkhawmna hai sung panin na dawn khawm thei kei ding uh hi. Topa tawh nekkhawmna an leh dawi tawh nekkhawmna an zong na nekhawm thei kei ding uh hi.

Malakhi 1:8

Ganhing a mit tawpite tawh kei nong biak uh ciangin, a hoihmah in kingaihsun na hi uh hiam? A khebai, a cina ganhingte tawh nong biak uh ciangin, a hoih mah kisa na hi uh hiam? Tua bang ganhing khat peuhpeuh, note hong ukpa kiangah va puak dih un. Note tungah nuamin hong pakta ding ahi hiam?” a ci hi.

Ezekiel 41:22

Tua ciangin Siangtho Pen Mun mai ah sing tawh a kibawl biakna tau bang pian khat a om hi. Pi nga sang a, a dung a vai pi li ahi hi. A khete, a kingaknate le a zawlte sing tawh a kibawl ahi hi. A mipa in kei kiangah, “Hih pen Topaʼ mai ah a kikoih sabuai ahi hi,” hong ci hi.

Thu-hilhkikna 15:21

Ahih hangin poina khatpeuh, a khebai a mittaw, ahih kei leh poina lian khat peuhpeuh a neih leh, Topa noteʼ Pasianʼ tungah biakna-in na pia kei ding uh hi.

Siampi Laibu 21:6

Amaute pen amauʼ Pasian adingin siangtho ding uh a, amauʼ Pasianʼ min daisak lo ding uh hi. Bang hang hiam cih leh amaute in amauʼ Pasianʼ anlum ahi, Topaʼ tungah meihal biakna pia uh hi. Tua ahih ciangin amaute siangtho ding uh hi.

Siampi Laibu 2:11

“Topaʼ tungah na paipih an tawh biakna pen silngo tawh kibawl lo ding hi. Bang hang hiam cih leh silngo hitaleh khuaizu hitaleh khat peuhpeuh Topaʼ tungah meihal biakna-in na hal kei ding hi.

Siampi Laibu 3:11

Tua ciangin siampipa in Topaʼ tungah mei tawh kihal an tawh biakna-in biakna tau tungah hal ding hi.

Siampi Laibu 21:8

Amah in noteʼ Pasianʼ anlum pia ahih manin note in amah na ap ding uh a, amah pen note adingin siangtho ding hi. Bang hang hiam cih leh Topa ahi keimah, note hong siangthosak pa, ka siangtho hi.

Ezekiel 44:16

Ka biakinn sungah amaute lutin, ka biakna tau ah na semin, biakinn sunga biaknate ah makai ding uh hi.

Malakhi 1:13

Note in, ‘Hihte cimtak khin hang,’ ci-in nong nap nitsan lel uh hi. Keimah biak nadingin a kigu ganhing khatpeuh ahi a, a liam a bai, ahih kei leh a cina peuh nong paipih uh hi. Tua bangte, a sang dingin hong ngaihsun na hi uh hiam?