Malakhi 1:6 - Tedim Bible Revision 2017

⁶ Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Tedim Bible

⁶ Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Malakhi 1:6 Referans Kwoze

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Isaiah 1:2

Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattah sa ka tate in kei hong lehdo uh hi.

Paikhiatna 20:12

“Topa na Pasian un note hong piak leitang tungah na khan uh a sau theih nadingin na nu le na pa uh zahtak un.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om lai teng uh amah zahtakin om un.

Hosea 12:8

Israel mite in, “Tu-in ka hau uh a, kote adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.

Isaiah 64:8

Ahi zongin Topa aw, nang pen koteʼ Pa na hi hi. Kote pen tungman bang hi-in, nang pen beelseek pa bang na hi a, kote khempeuh nangma bawl mite ka hi uh hi.

Efesa 6:2

Thupiakna a lian khat in, “Na nu le na pa zahtak in,” cihna hi a, khapna thu tawh kizom pahin, “Zahtak lecin nang adingin thu hong hoihin, leitungah na khan a sau ding hi,” na ci pah hi.

Paunak 30:17

A pa a simmawh mipa, a nuʼ thu a mang nuam lo mipa, va-ak in a mittang khelkhiat sakin musanete in a sa ne ding uh hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

Mattiu 6:9

Tua ahih manin thu na nget uh ciangin hih bangin na ngen un: ‘Vantung a om koteʼ Pa aw, na min siangtho kizahtak hen.

Paunak 30:11

A pate samsia-in a min a daisak, a nute a phat lo mi pawl khat om hi.

Thu-hilhkikna 5:16

“‘Topa noteʼ Pasian in hong piak leitang tungah na khan uh sau-in na nopsak theih nadingun Topa noteʼ Pasian in hong thupiak bangin na nu na pa uh zahtak un.

Siampi Laibu 19:3

Note a kuamah peuh in na nu le na pa uh zahtakin, note in ka Sabbath-te na tang ding uh hi; kei pen Topa na Pasian uh ka hi hi.

Marka 10:19

Mi that kei in; numei tungah mawh kei in; miʼ neihsa gu kei in; mi khem kei in; na nu na pa zahtak in, cihna thukhamte thei lo na hi hiam?” a ci hi.

Mattiu 19:19

na nu na pa zahtak in; nang na ki-it bangin na veengte na it in, cihnate ahi hi,” a ci hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Ezekiel 22:26

A siampite un ka thukham palsatin, a siangtho biakna nate ninsak uh hi. A siangtho biakna nate le a mawkmawk nate khenna mel nei lo uh a, a tate uh tungah a siang le a nin a kilamdanna zong hilh lo uh hi. Sabbath-te zong donin nei lo uh hi. Tuate khempeuh hangin Israel mite in kei hong zahtak lo uh hi.

Jeremiah 23:11

Topa in a cih in ah, “Kamsangte le siampite in Pasian a zahtak kei uh hi. Ka biakinn sung nangawn ah amauʼ gitlohna ka mu hi.

Mattiu 15:6

Tua ahih manin na pupa ngeina uh na zuihna uh hangin Pasianʼ thu na palsat uh hi.

Malakhi 2:8

“Ahi zongin, no siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Luka 10:29

Ahi zongin Thukham hilh siapa amah kitangsak nuam ahih manin Jesu kiangah, “Ka veengte i cih kuate ahi hiam?” ci-in a dong hi.

Luka 6:36

Tua ahih manin na Pa un hehpihna a neih bangin note in zong hehpihna lungsim nei ta un.

Marka 7:10

Moses in, ‘Na nu le na pa zahtak un. A nu a pa a samsiate kithat hen,’ ci hi.

Jeremiah 31:9

Amaute a kap kawmin hong pai ding uh a, keimah in hehnemin amaute ka pikik ding hi. Tui omna lui gei ah amaute ka paipihkik dinga, lam nuamah paipihin a tuk kei ding uh hi. Bang hang hiam cih leh Israel miteʼ pa ka hi a, Efraim, ka ta upa pen ahi hi.

Luka 18:20

Numei tungah mawh kei in; mi that kei in; miʼ neihsa gu kei in; zuau thu gen kei in; na nu na pa zahtak in, cihna thukhamte thei lo na hi hiam?” a ci hi.

Mattiu 15:4

Pasian in, ‘Na nu le na pa na zahtak in,’ ci a, tua banah, ‘A nu ahi a, a pa ahi zongin a gensiate in thahna thuak ding hi,’ ci lai hi.

Hosea 5:1

No siampite aw, hih thu ngai un! No Israel mite aw, thudon un. Kumpipaʼ innkuante aw, ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih le note in miteʼ awk nadingin Mizpah mualah thang na siah uh a, miteʼ awk nadingin Tabor mualah ngenthang na hi uh hi.

Late 123:2

Nasem pasalte in a topa uh muang a, nasem numeite in a tonu uh a muan mah bangin ko tungah hehpihna nong neih matengin Topa koteʼ Pasian kong mitsuan uh hi.

Paunak 17:6

Tute pen puteekte adingin minthanna lukhu hi a, tate pen pateʼ minthanna ahi hi.

Isaiah 43:23

Meihal biak nadingin kei kiangah na tuu nong paipih kei a, biakpiakna tawh kei nong pahtawi kei hi. Piakna tawh nang kong van giksak nai kei a, paknamtui piakna tawh kong gimsak nai kei hi.

Jeremiah 3:4

“Tumahin kei nong sam a, ‘Ka pa aw, ka neu lai pek pan ka lawm na hi hi

Jeremiah 35:16

Rekhabʼ tapa Jonadabʼ suante in a pu uh thupiakna a man uh hangin hih mite in ka thu hong mang lo uh hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak uh a, amau angsung ding bek a khualna-un Pasianʼ thukham leh hei uh hi.

Malakhi 2:1

Vanglian Topa in hih bangin ci hi: “Siampite aw, note adingin hih lai ah thupiakna khat om hi.

Malakhi 2:10

Eite khempeuh in, eite a hong piangsak Pasian ahi Pa khat bek nei hi lo ihi hiam? Tua hi napi-in bang hangin eite khatlekhat tungah citak loin, Pasian in i pu i pate tawh a bawl thuciamna palsat ihi hiam?

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah pen, note a hong piangsak, note hong bawlin a hong kipsak, na pa uh hi lo ahi hiam?

Isaiah 45:10

A pa kiangah, “Nangmah in kua piangsak na hi hiam?” a ci pa hitaleh, a nu kiangah, “Nang in nausuak dingin kua gimpih na hi hiam?” a ci pa in gimna ngah tahen!

Isaiah 64:7

Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.