Malakhi 1:4 - Tedim Bible Revision 2017

⁴ Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.

Tedim Bible

⁴ Esau’ suan-le-khak Edom mite in, “I khuapite a kisiat khit hangin i lamkik ding hi,” ci le uh, Topa in, “A ut uh leh lam uh hen, ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in dawng ding hi.

Malakhi 1:4 Referans Kwoze

Ezekiel 25:14

Keima mi Israel-te in Edom mite tungah phu hong laksak ding uh a, ka heh mahmahna tawh kizui-in Edom mite thuaksak ding uh hi. Keima phulakna zia Edom mite in thei ding uh hi. Topa Pasian in thu gen khin hi,” a hong ci hi.

Ezekiel 35:9

A gamkhingin kong bawl paisuak dinga, na khuapite sungah kuamah tengkik nawn lo ding hi. Tua ciangin Topa ka hihna thu na hong thei ding hi.

Jeremiah 31:17

Na mailam uh adingin lametna a om hi, Topa in kong ci hi. Na tate uh zong na gam mah uh ah hong ciahkik ding uh hi.

Isaiah 34:10

Sun le zanin mit lo dinga, vantung lamah a khu kah to ngitnget ding hi. Khang khat pan khang khat, a hawmguakin om dinga, kuamah in nawk ngei nawn het lo ding hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a sia mang dinga ka seh sa Edom mite tungah thu a khen dingin hong kum suk ding hi.

Isaiah 11:14

Ahih hangin amaute in nitumna lam a om Filistia mite simkhawm ding uh a, nisuahna lam a om mite luh khawm ding uh hi. Amaute in Edom mite le Moab mite zo gawp ding uh a, Ammon mite in amauʼ thu mang ding uh hi.

Malakhi 1:3

Esau le a suan a khakte ka mudah hi. Esauʼ neih mual tung gamte ka susia a, gamsate tungah ka pia hi,” ci hi.

Amos 6:2

Kalneh khua ah pai unla limtakin va en un. Tua ciangin Hamath khuapi lian ah va paisuak unla, Filistia-teʼ khuapi Gath khua dong va pai suk un. Judah le Israel kumpi gamte sangin hoih zaw tuan a, amauteʼ gam pen noteʼ gam sangin lian zaw tuan ahi hiam?

Ezekiel 11:10

Na gam sung uh ah galin na si ding uh hi. Tua ciangin Topa ka hih lamtak mi khempeuh in hong thei ding uh hi.

Kah la 3:37

Topaʼ deihna bang bekin na khempeuh a piang ahi hi.

Isaiah 10:4

Thongkiateʼ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna dam zo nai lo a, ama khut kizanlai hi.

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

Late 137:7

Topa aw, Jerusalem a siat hun lai-in Edom mite in, “Sumai un, sumai un! A bulpi dongin sumai un!” a cih vialna uh phawk in.

Late 127:1

Topa in inn lam pih kei leh innlamteʼ sepna a mawkna ahi hi. Topa in khuapi hut pih kei leh khuapi cingteʼ cinna a mawkna ahi hi.

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat het kei taleh zong, kuamah in bangmah cih thei tuan lo ding hi.

JOB (Job) 12:14

Pasian in phelkek leh kuamah in lamkik zo lo a, Pasian in thong ah mi koih leh kuamah in suaktasak zo lo hi.

JOB (Job) 9:4

Amah pil mahmah a, vanglian mahmah hi. Kua in khauh takin nial a, nial paisuak zo ahi hiam?

Mattiu 12:30

Kei hong pawlpih lo peuhmah keima lang hi uh a, kei hong kaihkhop pih lo peuhmah a thehthang ahi uh hi.

Jeremiah 5:17

Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuu hon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.

Jeremiah 49:8

Dedan gamah a teengte aw, kihei unla galtai un; guam sungah bu un. Bang hang hiam cih leh gim ka piak ni ciangin Esauʼ suanlekhakte tungah siatna ka tungsak ding hi.

Jeremiah 49:20

Ka mai ah kua kumpi hong ding ngam ding ahi hiam? Tua ahih manin Edom miteʼ thuak ding le Teman gam a teeng miteʼ gim nadingin Topaʼ geelna le ngimnate ngai dih un. A ta ngeekte nangawn uh kikai khia ding hi. Mi khempeuh lau taktak ding uh hi.

Ezekiel 25:13

Tua ahih ciangin Edom mite gim pia-in, a mihing a ganhingin ka thahmangna ding thu tu-in kong pulak hi. Teman khuapi pan a kipan Dedan khuapi dongin a gam sung khempeuh uh gamkhing ka suaksak dinga, a mite khempeuh uh gal sungah si ding uh hi.

Ezekiel 26:14

Khuapi sungah bangmah om nawn loin, ngasa bengte in a ngen uh a pho theih nading suangtumte bek ka omsak lai ding hi. Nang Taia khuapi hong kilamkik nawn lo ding hi. Topa ahi keimah in hih thu ka gen khinta hi,” a hong ci hi.

Ezekiel 35:4

Na khuapite ka siasak dinga, na gam sungteng gamkhing ka suaksak ding hi. Tua ciangin Topa ka hihna thu na thei ding hi.

Amos 3:15

Keimah in phalbi le khuakhal innte ka susia dinga, saiha tawh a kibawl inn hoihte zong kisia-in, inn lian khempeuh bei mang ding hi, Topa in ci hi.

Amos 5:11

Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Amos 6:11

Topa in thu a piak ciangin inn liante kisatzanin inn neute kisat nen ding hi.

Obadiah 1:1

Obadiahʼ gen kholhna: Edom gam tawh kisai-in Topa Pasian in hih bangin gen hi: Minamte lakah kamtai khat kisawl zo a, “Kithawi un! Edom mite a sim gawp dingin kuan khia ni,” a cihna thu ka za zo hi.

Obadiah 1:10

Bang hang hiam cih leh na sanggampa Jakob bawlsia-in na thahna hangin maizumna in nang hong khuh dinga, na khantawnin na mangthang ding hi.

Late 33:10

Topa in minamteʼ thungaihsutna a mawkna suahin, miteʼ geelna a khaktan hi.

Jeremiah 49:7

Edom gam tawh kisai-in Vanglian Topa in a genin ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Amos 1:11

Topa in hih bangin ci hi: Edom mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.