Malakhi 1:3 - Tedim Bible Revision 2017

³ Esau le a suan a khakte ka mudah hi. Esauʼ neih mual tung gamte ka susia a, gamsate tungah ka pia hi,” ci hi.

Tedim Bible

³ Esau leh a suan a khakte ka mudah hi. Esau’ neih mualtung gamte ka susia a, gamlak gamsate tungah ka pia hi,” ci hi.

Malakhi 1:3 Referans Kwoze

Obadiah 1:10

Bang hang hiam cih leh na sanggampa Jakob bawlsia-in na thahna hangin maizumna in nang hong khuh dinga, na khantawnin na mangthang ding hi.

Joel 3:19

“Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Ezekiel 36:9

Kei pen noteʼ lamah kong pang dinga, pel loin na gam uh lo in kikho kikin khaici kituhkik ding hi.

Ezekiel 36:7

Topa Pasian ahi keimah in a kimkot ah a om minam dangte ka mindaisak ding khauh takin ka kiciam hi.

Jeremiah 51:37

Tua ciangin Babylon khuapi innsia losia suak gawp dinga, se-alteʼ teenna mun suakin, a lipkhaphuai, simmawhna tawh a kiphitsan, kuamah a ten lohna gam khing a suak ding hi.

Jeremiah 49:10

Ahih hangin Esauʼ suanlekhakte khempeuh ka guaksuaksak a, a bukna munte uh ka kilangkhiasak hi. Tua ahih manin a bu thei nawn kei uh hi. A tate uh, a sanggamte uh, le a veengte uh si khin uh a, khat beek a suakta kei hi.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Isaiah 35:7

A sa mahmah sehnelte bualtui hong suak dinga, a keugaw leitang pen ciktui tawh hong kidim ding hi. Ngiateʼ omna ngei leitang pen nawngpi suakin, lopa, pumpeeng le mau, a po ding hi.

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte le ama pumpi mahmah a nial ngam kei leh keima nungzui suak thei lo ding hi.

Piancilna 25:23

Topa in ama kiangah, “Na gil sungah minam nih om a, nangʼ sung pan a suak mihing nihte kikhen ding hi. Khat pen a khat sangin hat zaw dinga, a u zaw in a nau zawʼ na sem ding hi,” a ci hi.

Jeremiah 49:8

Dedan gamah a teengte aw, kihei unla galtai un; guam sungah bu un. Bang hang hiam cih leh gim ka piak ni ciangin Esauʼ suanlekhakte tungah siatna ka tungsak ding hi.

Jeremiah 49:20

Ka mai ah kua kumpi hong ding ngam ding ahi hiam? Tua ahih manin Edom miteʼ thuak ding le Teman gam a teeng miteʼ gim nadingin Topaʼ geelna le ngimnate ngai dih un. A ta ngeekte nangawn uh kikai khia ding hi. Mi khempeuh lau taktak ding uh hi.

Jeremiah 49:33

Hazor khua pen se-alteʼ teenna suak dinga, a tawntungin a kisia den khua a suak ding hi. Kuamah teeng lo dinga, tawmvei beek zong a va zin kei ding uh hi,” a ci hi.

Kah la 4:22

Jerusalem in a mawhna thaman a sang khinzo ta ahi hi. Ka thuak ding uh a nasia penpen teng ka thuak khinzo ta uh hi. Ahi zongin Edom aw, Topa in nang gim hong pia dinga, na mawhna khempeuh a hong pholak ding hi.

Jeremiah 49:7

Edom gam tawh kisai-in Vanglian Topa in a genin ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?