Malakhi 1:2 - Tedim Bible Revision 2017

² Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau le Jakob unau hi a, ahi zongin Jakob le a suan a khakte itin,

Tedim Bible

² Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau leh Jakob in unau hi a, ahi zongin Jakob leh a suan a khakte itin,

Malakhi 1:2 Referans Kwoze

Jeremiah 31:3

gamlapi pek panin Topa ka kilang hi. Keimah in nang kong it tawntung a, tua ahih manin nangʼ tungah kong thuman tawntung hi.

Thu-hilhkikna 10:15

Tua hi napi-in Topa in na pu na pate uh a itna lian mahmah ahih manin tu ni-a mah bangin midangte khempeuh sangin amauʼ suanlekhakte hong teel zaw hi.

Thu-hilhkikna 4:37

Amah in na pate uh itin, amauʼ suanlekhakte hong teel a, a mahmah in ama vanglian tawh Egypt panin note hong paikhiatpih a,

Malakhi 2:17

Thu na gengenna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-in a gamtate a hoihin ngaihsun a, zong itin amaute tungah lungkim takpi hi,” na cihna khawng uh le, “Thutang a gen Pasian koi lai ah om ahi hiam?” ci-in na dotnate uh tawh na gimsak uh hi.

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Jeremiah 2:5

Topa in hih bangin ci hi: “Na pute na pate uh kei kiang panin gamlapi ah pai khia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Isaiah 43:4

Nang pen keima mitah manpha-in, pahtakhuai-in, nangmah hong it ka hih manin nangma tangin mite ka pia a, na nuntakna khek nadingin mihingte ka pia hi.

Piancilna 48:4

kei kiangah, ‘En in, nang hong pungsakin, mihing hon khatin hong bawlin, nangʼ khit cianga na suanlekhakteʼ tungah a neih tawntung dingun hih leitang ka pia ding hi,’ hong ci hi.

Piancilna 27:33

Tua ciangin Isaac nakpi takin liingin, “Tua ahihleh, nangʼ hong pai ma-in sa mat sa hong paipihin, a vekin ka nek khit, amah thupha ka piak pa kua ahi hiam? Thupha pia khin ka hih manin amah in thupha ngah ding hi” a ci hi.

Piancilna 25:23

Topa in ama kiangah, “Na gil sungah minam nih om a, nangʼ sung pan a suak mihing nihte kikhen ding hi. Khat pen a khat sangin hat zaw dinga, a u zaw in a nau zawʼ na sem ding hi,” a ci hi.

Luka 10:29

Ahi zongin Thukham hilh siapa amah kitangsak nuam ahih manin Jesu kiangah, “Ka veengte i cih kuate ahi hiam?” ci-in a dong hi.

Johan 15:12

“Note tungah ka hong piak thu in: Note ka hong it zahin note khatlekhat na ki-it un.

Thu-hilhkikna 23:5

Ahih hangin Topa na Pasian un Balaamʼ thu ngai lo hi. Topa na Pasian un note hong it ahih manin, Topa na Pasian un samsiatna pen note adingin thupha-in hong heisak zaw hi.

Thu-hilhkikna 33:3

Hi taktak hi; amah in a mite it a, ama tungah a ki-ap mi khempeuh a khut sungah om hi. Tua ahih ciangin amaute in na kalsuanna hong zui uh a, nang tung panin lamlahna ngah uh hi.

Isaiah 63:1

Edom gam, Bozrah khua panin puan ausan silhin a hong pai, a puan silhna ah minthanna mel nei-in, ama thahatna tawh a hong pai pa kua ahi hiam? A hon khia zo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Amos 1:11

Topa in hih bangin ci hi: Edom mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Piancilna 25:25

A masa pen a sanin hong suak a, a pumpi khempeuh mul a nei puan tawh kibang hi. Tua ahih ciangin ama min dingin Esau phuak uh hi.

Piancilna 25:26

Tua khit ciangin a sanggampa hong suak khia a, ama khut in Esauʼ khetul len hi. Tua ahih ciangin ama min dingin Jakob kiphuak hi. Amauʼ suah ciangin Isaac kum sawm guk a pha hi.

1 KUMPI MASATE 10:9

Nang tungah lungdamin Israel kumpi tokhom tungah nang a hong koih Topa na Pasian in thupha ngah tahen! Topa in Israel it tawntung ahih manin nangmah in thutang le thuman na sepkhiat theih nadingin amah in kumpi-in nang hong bawl hi,” a ci hi.

2 KUMPI NIHNATE 3:8

Tua ciangin amah in, “Koi lam tawnin kuan ding ihi hiam?” a ci hi. Joram in dawngin, “Edom gam lam tawnin i kuan ding hi,” a ci hi.