Malakhi 1:11 - Tedim Bible Revision 2017

¹¹ Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Tedim Bible

¹¹ Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Malakhi 1:11 Referans Kwoze

Isaiah 54:5

Bang hang hiam cih leh nangmah hong Bawlpa pen nang adingin na pasal bang hi dinga, ama min pen Vanglian Topa ahi hi. Israel-teʼ Siangtho Pa pen nang hong hon khia pa hi a, amah pen leitung buppiʼ Pasian a kici hi.

Mangmuhna 5:8

Tua laizial a lak khit ciangin ganhing lite le upa sawm nih le lite, Topaʼ mai ah a kun uh hi. Amaute in harp lasakna khat ciat le Pasianʼ mi siangthote in thungetna-in a zat uh paknamtui a dimin a om paknamtui beel khat ciat a tawi uh hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min le Kha Siangtho min tawh tui sungah na phum un.

Zekhariah 8:7

Nisuahna le nitumna gamte panin ka mite ka hon khia dinga,

Late 50:1

Vanglian, Topa Pasian hong pau khia a, nisuahna le nitumna kikal leitung mi khempeuh a khawm hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Late 141:2

Ka thungetna pen na mai ah paknamtui bangsak inla, ka khutte ka lap tohna pen nitak biakpiakna bangsak in.

Late 67:2

Leitungah nangma deihna, minam khempeuhte lakah na vanglian hotkhiatna kithei tahen.

Mangmuhna 15:4

Topa aw, nang, kua in hong kihta lo dinga, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai ah hong bia ding uh hi,” a ci uh hi.

1 TIMOTI MASA 2:8

Mun khempeuh ah a om pasal khempeuh in kuamah tawh kitotna le lungsim kinopmawhna nei het loin, lungsim siangtho tawh a khut uh lamin thu a nget ding uh ka deih hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

ROM (Romans) 15:16

Gentail mite tungah na a sem dingin Khris Jesu sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasianʼ tungah a piak, ama san theih biakpiaknate a suah theih nadingin Pasian kiang panin a hong pai Lungdamna Thu ka hilhna ah siampi bangin na ka sem hi.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun kong thum hi. Tua banga kipiakna pen Pasian biakna man taktak ahi hi.

Luka 1:10

amah in paknamtui halin a om laitakin mihonpi dangte a pua lamah thungenin na om uh hi.

Malakhi 1:14

A tuu hon lakah tuutal cidam nei napi-in, a kamciam sa bangin kei tungah hong piak ciangin, a sitbaang ganhing a hong pia mi khempeuh in samsiatna thuak tahen. Bang hang hiam cih leh kei pen a lian mahmah Kumpipa ka hi a, minam khempeuh in kei hong zahtak uh hi,” a ci hi.

Zefaniah 3:9

“Tua ciangin minamteʼ lungsim ka hei dinga, amaute in keima tung bekah thu hong ngenin, lungsim kikhatin ka na hong sem ding uh hi.

Zefaniah 2:11

Topa in amaute lausak gawp dinga, leitung pasian-te, neubawl gawp ding hi. Tua ciangin minam khempeuh in amauʼ gam ciat panun amah bia ding uh hi.

Micah 5:4

Amah in Topaʼ thahatna tawh a mite uk dinga, Topa ama Pasianʼ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Amos 9:12

Tua ciangin Israel mite in Edom gam a om lai teng le keima mi ahi ngei minam khempeuh zo-in ngahkik ding uh hi, Topa in ci hi.

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Late 113:3

Nisuahna pan nitumna dongin Topaʼ min phat ding ahi hi.

Mattiu 8:11

Nisuahna le nitumna panin mi tampi tak hong pai-in vantung ki-ukna sungah Abraham, Isaac le Jakob-te tawh an ne-in sabuai ah tukhawm ding uh hi.

2 THESALONIKA NIHNA 1:12

Tua hileh, eiteʼ Pa Pasian le Topa Jesu Khris hong hehpihna hangin note in ama tung panin minthanna ngahin, ama min zong a thangsak na hi ding uh hi.

Gamlak-vakna 7:74

shekel sawm a gik kham pakan khat, paknamtui a dim tawh;

Late 45:17

Keimah in khang tawntungin na min ka kiphawksak ding hi. Tua ahih ciangin mite in nang hong phat den ding uh hi.

Late 48:10

Pasian aw, na min in leimong dong a zelh bangin, nangmah hong kiphatna in zong a zel hi. Na taklam khut gualzawhna tawh a kidim hi.

Late 111:9

Amah in ama mite hon khia a, a tawntung a kimang dingin thupiakna a bawl khin hi. Ama min siangtho-in vanglian mahmah hi.

Isaiah 12:4

Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.

Isaiah 12:5

Amah in minthang takin sem khin ahih manin Topa’ tungah phatna la sa unla, leitung khempeuh ah hih thu kitheisak un.

Isaiah 66:18

Bang hang hiam cih leh amauʼ nasepnate le amauʼ ngaihsutnate ka thei a, minam khempeuh a khawm dingin ka hong pai hi. Amaute hong pai-in ka minthanna mu ding uh a,

Jeremiah 10:6

Topa aw, nang tawh a kibang kuamah om lo hi. Nang na lian a, na min vanglian mahmah hi.

Jeremiah 10:7

Gam khempeuhteʼ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amauʼ gam sung khempeuh lakah nang tawh a kibang kuamah om lo hi.

Daniel 2:45

Kuama lawn lohpi-in mual tung pan hong tuk suk suangtum in sik, sumngo, tungman, ngun le kham tawh kibawl milim a den paih na mu hi. A lian Pasian in mai lamah bang hong piang ding cih Kumpipa tungah a hong hilh ahi hi. Na mangmat pen ahi bang teekteekin kong gen a, a khiatna zong a man bangin kong gen zo hi,” a ci hi.

1 KHANG TANGTHU MASATE 16:25

Bang hang hiam cih leh Topa lian mahmah a, nakpi takin phat ding ahi hi; pasian khempeuh sangin lamdang sak zawk ding ahi hi.

Late 48:11

Zion Mual lungdamsak in. Na thukhenna hangin Judah mite lungdamsak in.

Late 65:9

Nangmah in leitung enin, guah na hong zusak a, leitung a hoihna nakpi takin na behlap hi. Pasianʼ gunpi tui tawh kidim a, leitungah an na piangsak hi. Tua bangin nangmah in na khempeuh na bawl khol hi.

Late 86:9

Topa aw, na bawl sa minam khempeuh hong pai-in na mai ah hong kun ding uh a, nangma min hong phat ding uh hi.

Late 96:8

Ama min in a ngah dingin a kilawm minthanna Topaʼ tungah pia unla, biakpiakna hong kengin ama huang sungah hong pai un.

Late 138:5

Topaʼ minthanna lian mahmah ahih manin amaute in Topaʼ nasepna ziate la-in sa ding uh hi.

Isaiah 19:21

Topa in Egypt mite tungah a mahmah kitheisak ding hi. Tua ni ciangin Egypt mite in Topa thei-in biakpiakna le meihal biakna tawh bia ding uh a, amaute in Topa’ tungah thuciamna bawlin, tua thuciamnate sem ding uh hi.

Isaiah 30:27

En un, Topa’ vangliatna le a minthanna vang, gamlapi panin kimu thei hi. Meikuang le meikhu in ama hehna hong kilangsak a, ama kampaunate, mei bangin a kuang hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Malakhi 3:3

A ninte kaang tumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topaʼ tungah a kilawm biakna a pia ding uh hi.