Luka 9:7 - Tedim Bible Revision 2017

⁷ Galilee gam sungteng a uk Herod in hih thupiangte a zak ciangin lungmang mahmah hi. Bang hang hiam cih leh mi pawl khat in, “Johan hong hingkik hi,” ci uh hi.

Tedim Bible

⁷ Tua lai takin Menzipa Herod in Zeisu hihna thu khempeuh a zak ciangin a lungmang hi. Bang hang hiam i cih leh, mi kimkhat in, “Johan in a sihna pan a thokik zo hi,” a ci uh hi.

Luka 9:7 Referans Kwoze

Luka 9:19

Amaute in, “Pawl khat in, Tuiphumpa Johan hi, hong ci uh hi. Pawl khat in Elijah hi, hong ci uh a, pawl khat in, tanglai kamsangte khat peuhpeuh hong hingkik hi ding hi, hong ci uh hi,” ci-in a dawng uh hi.

Luka 3:1

Gam tampi a uk Sisar Tiberius in a uk zawh a kum sawm le kum ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Micah 7:4

Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

Isaiah 22:5

Bang hang hiam cih leh Vanglian Topa Pasian in Maangmuhna Kuam sungah buaina le tuatcil gawpna, kitawhzauna, kulhte suksiat gawpna le mualte tungah kikona hong tungsak hi.

Late 73:19

Tomno sungin amaute kisusia-in, lau mahmahna in amaute nil khia mang ding hi.

Luka 21:25

“Ni, kha le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi.

Mattiu 11:2

Tuiphumpa Johan in thong sung panin Jesuʼ nasepnate a zak ciangin Jesu kiangah a nungzuite sawl a,

Marka 8:28

Amaute in, “Pawl khat in, Tuiphumpa Johan hi, hong ci uh hi. Pawl khat in, Elijah hi, hong ci uh a, pawl khat in, kamsang khat peuhpeuh hi ding hi, hong ci uh hi,” ci-in a dawng uh hi.

Luka 13:31

Tua hun laitakin Farisi mi pawl khat hong pai-in Jesu kiangah, “Herod in nang thah hong sawm ahih manin hih lai panin mun dang khat ah paikhia in,” a ci uh hi.

Luka 23:7

Jesu pen Herodʼ ukna sung mi ahih lam a theih ciangin, tua laitakin Herod mah zong Jerusalem ah om ahih manin ama kiangah a paisak hi.