Luka 9:5 - Tedim Bible Revision 2017

⁵ A inn uh ah a hong tunsak nop lohna khua peuhpeuh panin na paikhiat uh ciangin amaute hilhkholhna in na khe uh a leivui baangte sinsan un,” ci-in a vaikhak hi.

Tedim Bible

⁵ Mi khatpeuh in note hong nolh leh, amau khua pan na paikhiat uh ciangin, amau lang khatah teci a pang dingin, na khepeek nuai-a leivuite na singkhia un,” ci-in thu a pia hi.

Luka 9:5 Referans Kwoze

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Sawltak 13:51

Sawltakte in zong a khe uh a leivui baangte sinkhiat sanin Ikonium khua ah a pai uh hi.

Marka 6:11

Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Luka 10:16

Tua ciangin Jesu in a nungzuite kiangah, “Noteʼ thu a hong zuite khempeuh, keiʼ thu a hong zui hi a, noteʼ thu a hong zui lote khempeuh, keiʼ thu a hong zui lo ahi uh hi. Keiʼ thu a hong zui lote khempeuh pen kei a hong sawl paʼ thu a zui lo ahi uh hi,” a ci hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neu pen pa a lian pen pa ahi hi,” a ci hi.

Nehemiah 5:13

Tua ciangin kei zong ka puan singin, “Hih thuciamna a tungsak lo peuhmah a inn le a neihsa panin Pasian in sing khia tahen. Hih bangin kising khia henla, hawmsuak hen!” ka ci hi. Tua ciangin a kikhawmte khempeuh in, “Hi tahen,” ci uh a, Topa a phat uh hi. Tua hi a, a ciam sa bangun mite a gamta uh hi.

Marka 9:37

“Keima hangin hih bang naupang no khat a limbawl mi in kei hong limbawl hi a, kei hong limbawl mi in kei hong limbawl hi loin kei hong sawl pa a limbawl ahi hi,” a ci hi.

Luka 5:14

Tua ciangin Jesu in ama kiangah, “Hih thu kuamah dang kiangah gen kei in. Siampipa kiangah paisuak pah inla, kivelsak in. Tua ciangin na damna thu a kilat nadingin Moses thupiak mah bangin biakna pia in,” ci-in thu a pia hi.

Mattiu 10:18

Keima hangin gam ukte le kumpite mai ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gen theih nading hunhoih a nei na hi uh hi.

Luka 9:4

Khua khatpeuh ah na lut uh ciangin tua khua panin na paikhiat matengun a inn ah hong tungsakteʼ inn mahah om paisuak un.