Luka 9:49 - Tedim Bible Revision 2017

⁴⁹ Tua ciangin Johan in, “Topa aw, nangma min tawh dawi a hawl khia mi khat ka mu uh a, amah pen eima pawl sungah a om hi lo ahih manin ka kham uh hi,” a hong ci hi.

Tedim Bible

⁴⁹ Johan in, “Sia aw, nangma min tawh dawite a hawlkhia mi khat ka mu uh hi. Amah in eite hong zui lo ahih ciangin ka kham uh hi,” ci-in a gen hi.

Luka 9:49 Referans Kwoze

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.

Luka 5:5

Tua ciangin Simon in, “Sia aw, tu zan thapai ngasa ka khuh uh hangin khat zong ka man kei uh hi. Ahi zongin khuh in, nong cih leh ka khuh ding hi,” ci-in a dawng hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Mattiu 3:14

Ahi zongin Johan in na tuiphum nuam lo a, “Nang in kei nong tuiphum dingin a kilawm zaw kimlai, keiʼ phum dingin nang hong pai zawsop na hi hiam?” a na ci hi.

Luka 9:33

A mite, Jesu kiang panin a paikhiat laitakin Peter in bang gen ka hi hiam, cih mel zong a thei lopi-in Jesu kiangah, “Topa aw, hih lai-a i om, nuam mahmah hi. Nang ading buk khat, Moses ading buk khat, Elijah ading buk khat, buk thum kong lamsak ding uh hi,” a ci hi.