Luka 9:48 - Tedim Bible Revision 2017

⁴⁸ a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neu pen pa a lian pen pa ahi hi,” a ci hi.

Tedim Bible

⁴⁸ “Keima min tawh hih naupangno a ngai peuhmah in, kei zong hong ngai hi. Bang hang hiam na cih uh leh, note lakah a neu penpa in milian ahi ding hi,” a ci hi.

Luka 9:48 Referans Kwoze

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.

1 PETER MASA 5:6

Pasian in ama hoihsak hun ciangin note hong lap toh theih nadingin a thahat Pasianʼ khutnuai ah kiniamkhiatin na om un.

Luka 22:26

Ahi zongin note lakah tua bang hi lo ding hi; a lian pen pa a neu pen bangin om dinga, a makai pen pa a nungzui nunung pen bangin om ding hi.

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Luka 10:16

Tua ciangin Jesu in a nungzuite kiangah, “Noteʼ thu a hong zuite khempeuh, keiʼ thu a hong zui hi a, noteʼ thu a hong zui lote khempeuh, keiʼ thu a hong zui lo ahi uh hi. Keiʼ thu a hong zui lote khempeuh pen kei a hong sawl paʼ thu a zui lo ahi uh hi,” a ci hi.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

Johan 14:21

Keima thupiakte sangin a zuite in keimah hong it ahi uh hi. Kei hong it mite pen ka Pa in zong it dinga, keimah in zong itin amaute tungah ka kilang ding hi,” a ci hi.

Luka 22:30

Keima Ukna sungah an ne tui dawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Luka 7:28

Johan pen leitung mihing sung khempeuh panin a lian pen ahi hi. Ahi zongin Pasianʼ Ukna sunga a om mi a neu pen i cihte nangawn Johan sangin lian zaw lai hi,” a ci hi.

Marka 9:37

“Keima hangin hih bang naupang no khat a limbawl mi in kei hong limbawl hi a, kei hong limbawl mi in kei hong limbawl hi loin kei hong sawl pa a limbawl ahi hi,” a ci hi.

Mattiu 25:45

Tua ciangin amah in, ‘Note kiangah kong genin ah: Hih mite a neu pen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Mattiu 19:28

Jesu in amaute kiangah, “Keʼn limtak a kong genin ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Paunak 18:12

A kiniamkhiatte in zahtakna ngah uh a, a kihisakte pen siat ding a manawh hi ta hi.

Mangmuhna 21:14

Tua khuapi kulh pen kulh tawphah suang sawm le nih tungah a kiciang hi a, tua suangtawphahte tungah Tuuno sawltak sawm le nihteʼ min kigelh hi.