Luka 9:42 - Tedim Bible Revision 2017

⁴² A naupang hong pai laitakin dawi in leilak ah tuksakin a kongkawcipsak hi. Ahi zongin Jesu in a dawi taii a, naupang damsakin, a pa kiangah a piakik hi.

Tedim Bible

⁴² A pai lai takin dawi in naupang lei ah puksakin a kongkawsak hi. Zeisu in kihhuai dawi taai a, naupang a damsak khit ciangin a pa kiangah a pia hi.

Luka 9:42 Referans Kwoze

Luka 7:15

Misi pa zong hong tu to-in hong pau pah hi. Tua ciangin Jesu in a nu kiangah a ap hi.

Mangmuhna 12:12

Tua ahih manin vantungte le tuate sungah a teeng mi khempeuh aw, lungdam un! Ahi zongin vantung panin Dawimangpa hong kilawn khia suk a, hun tomno bek a nei lai ahih lam thei ahih manin leitung le tui tungah a omte adingin lauhuai mahmah ding hi,” hong ci hi.

Luka 9:39

Dawi in amah man a, thakhat thu-in kiko gawp hi. A cilphuan a buak dongin kongkawcipsak a, gimsak gawp a, nusia nuam lo hi.

Marka 9:20

Amaute in zong Jesu kiangah a naupang hong paipih uh hi. Dawi in Jesu a muh phetin naupang kongkawsak ahih manin leilak ah pukin kikhuk a, a cilphuan a bua hi.

2 KUMPI NIHNATE 4:36

Tua ciangin amah in Gehazi samin, “Shunem numei sam in,” a ci hi. Tua ahih ciangin amah in tua nu a sam hi. Tua nu ama kiangah hong pai ciangin amah in, “Na tapa la in,” a ci hi.

Sawltak 9:41

Peter in a khut khakin a ding tosak hi. Tua ciangin thu um meigong numeite a kipanin thu um khempeuh samkikin amaute kiangah Dorkas a nungta-in a lak hi.

1 KUMPI MASATE 17:23

Tua ciangin Elijah in naupang la-in inn khumzang panin inn sungah paipih suk a, a nu kiangah a pia hi. Tua ciangin Elijah in, “En in, na tapa nungta hi,” a ci hi.

Luka 9:41

Jesu in, “Note in bangzahin upna nei lo a, bangzahin khial na hi uh hiam? Note bang tanvei hong ompih dinga, bang tanvei hong kikholh pih ding ka hi hiam?” a ci hi. Tua ciangin a mipa kiangah, “Na tapa hong paipih in,” ci-in a dawng hi.

Luka 9:43

Hih bangin Pasian a vang a liatna hangin mi khempeuh in lamdang a sa uh hi. Mite in Jesuʼ hihnate khempeuh lamdang sa-in a om laitakin Jesu in a nungzuite kiangah,

Johan 6:19

Tui gei panin tai thum tai li bang gunkuang a hawh khit uh ciangin tui tungah Jesu hong pai-in gunkuang lam a hong naih a mu uh hi. Amaute na lau mahmah uh ahih manin