Luka 9:30 - Tedim Bible Revision 2017

³⁰ Thakhat thu-in mihing nih tawh a kiho-in hong om vat hi. Tua mi nihte pen Moses le Elijah hi a,

Tedim Bible

³⁰ Moses leh Elijah ahi nihte in meel lamdangin kilang uh a,

Luka 9:30 Referans Kwoze

Johan 1:17

Pasian in Moses tungtawnin Thukham hong pia a, ahi zongin Jesu Khris hangin itna le cihtakna thu hong pai hi.

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Luka 24:27

Tua ciangin Jesu in Lai Siangtho sungah ama thu a kigennate khempeuh, Moses laibu a kipanin kamsangteʼ laibu khempeuh a khiatna a gen hi.

Luka 9:19

Amaute in, “Pawl khat in, Tuiphumpa Johan hi, hong ci uh hi. Pawl khat in Elijah hi, hong ci uh a, pawl khat in, tanglai kamsangte khat peuhpeuh hong hingkik hi ding hi, hong ci uh hi,” ci-in a dawng uh hi.

Luka 1:17

Amah pen kamsang Elijah mah bangin thahatna le vangliatna tawh Pasian mai ah hong mapai ding hi. Pate le tate kilemsakkikin, mihoihteʼ lungsim bang a neih nadingun thumang lo miteʼ lungsim heisak dinga, Topa adingin a kilawm dingin mite a bawl khol ding hi,” a ci hi.

Luka 9:29

Jesu in thu a nget laitakin a mel hong kikheel a, a puante zong pakin tee mahmah hi.

Luka 9:31

vantung minthanna vang lim nei uh a, Jerusalem khua ah pai-in sihna tawh Pasianʼ deihna a tunsak nading thu a kikumkum uh ahi hi.