Luka 9:22 - Tedim Bible Revision 2017

²² Tua ciangin Jesu in a nungzuite kiangah, “Mihing Tapa in tampi tak thuak dinga, upate, siampi liante le Thukham hilh siate in amah nial ding uh hi. Amah kithat dinga, a ni thum ni-in kihingkiksak ding hi,” a ci hi.

Tedim Bible

²² “Mihing Tapa in gimna tampi thuak ding a, upate, siampi liante leh laitheite in nial ding uh a, amah in thahna zong thuak ding a, ni thum khit ciangin a thokik ding hi,” a ci hi.

Luka 9:22 Referans Kwoze

Luka 24:7

‘Mawhnei miteʼ khut sungah Mihing Tapa kipia dinga, singlamteh tungah kithatin, a ni thum ni-in hingkik ding hi,’ a cih thute phawk un,” a ci uh hi.

Luka 9:44

“Mihingteʼ khut sungah Mihing Tapa kipia ding ahihna thu mangngilh het kei un,” a ci hi.

1 PETER MASA 1:11

Khris in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrisʼ Kha Siangtho in kua a cihna hi a, bang hun ciang hi ding hiam, ci-in a kankan uh pen tu hun thu a gen ahi hi.

Marka 9:31

Bang hang hiam cih leh a nungzuite kiangah thu hilh a, “Mihing Tapa, mihingteʼ khut sungah kipia-in amaute in that ding uh a, ahi zongin ni thum khit ciangin hingkik ding hi,” a ci hi.

Marka 8:31

Tua ciangin Jesu in, “Mihing Tapa in tampi tak thuak ding hi; upate, siampi liante le Thukham hilh siate in amah nial ding uh hi. Amah kithat dinga, ni thum khit ciangin hingkik ding hi,” ci-in a nungzuite hilh ding a kipan hi.

Mattiu 17:12

Ahi zongin note kiangah kong genin ah: Elijah hong pai khin napi-in mite in amah thei lo uh ahih manin a ututun a bawl uh hi. Tua mah bangin Mihing Tapa in zong bawlsiatna thuak ding hi,” ci-in a dawng hi.

1 KORIN MASA 15:4

kivui a, Lai Siangtho sungah a kigelh mah bangin a ni thum ni-in Pasian in hingkiksak hi.

Luka 24:26

Khris in minthanna a ngah nadingin hih bang teng a thuak ding kisam hi lo ahi hiam?” a ci hi.

Mattiu 17:22

Galilee gam sungah a om laitakin Jesu in a nungzuite kiangah, “Mihingte khut sungah Mihing Tapa kipia dinga,

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Luka 17:25

Ahi zongin amah in gimna tampi tak thuak masa dinga, ama huna mite in amah nial ding uh hi.

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.