Luka 9:12 - Tedim Bible Revision 2017

¹² Ni a tum kuan ciangin nungzui sawm le nihte in Jesu kiangah, “Hih lai mun gamlak ahih manin, hih kiim a om khuate ah mite va pai-in annek ding le giah nading a zon nadingun mihonte sawl khia in,” a ci uh hi.

Tedim Bible

¹² Ni a tum dektak ciangin, sawm-le-nihte in va nai uh a, “Mihonpite in a kimkot khuaneu leh lo lai-ah pai-in, giah na’ng leh an nek ding zong dingin paisak ta in. Bang hang hiam na cih uh leh, hih laitak in gamlak ahi hi,” a ci uh hi.

Luka 9:12 Referans Kwoze

Mattiu 15:23

Ahi zongin Jesu in kam khat beek paupih lo hi. Tua ciangin a nungzuite in Jesu kiangah, “Hih nupi i nung zui-in kikoko ahih manin a ciah nadingin sawl in,” ci-in a thum uh hi.

Hosea 13:5

Sehnel gam keuna sungah note a hong kem pa keimah ka hi hi.

Johan 6:1

Tua khit ciangin Tiberias zong a kici Galilee Tuili gal khat lamah Jesu a pai hi.

Mattiu 15:32

Tua ciangin Jesu in a nungzuite sam a, “Kei kiangah hih mite ni thum bang hong om khin uh a, amaute in annek ding nei nawn lo uh ahih manin hehpihhuai ka sa hi. Lamkal ah cimawh kha ding uh ahih manin gil kialin ka ciahsak nuam kei hi,” a ci hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak dinga, gamlak ah nuam takin gamta-in a lum thei ding uh hi.

Mattiu 14:13

Jesu in tua thu a zak ciangin tua mun panin kihem khia-in gamdaihna mun a zuan dingin gunkuang tawh a pai hi. Mite in ama pai khiatna thu a theih uh ciangin a khua ciat panun lei lam tawnin Jesu nung hong zui uh hi.

Luka 9:11

Mihonte in hih thu a theih uh ciangin Jesu nung delh uh a, Jesu in zong amaute na nolh loin, amaute tungah Pasianʼ Ukna thu na hilh a, natna a neite zong a damsak hi.

Luka 9:13

Ahi zongin Jesu in amaute kiangah, “A nek dingun nek theih khat peuhpeuh pia un,” a cih ciangin amaute in, “Kote va pai-in hih mi khempeuhte adingin an va lei ding ka hih kei buang uh leh, anlum nga le ngasa tawn nih cih sim loh bangmah dang om lo hi,” ci-in a dawng uh hi.

Filippi 1:19

Note hong thungetsakna le Jesu Khris Kha Siangtho huhna tawh suakta ding hi ing, ci-in thei ka hih manin ka lungdam hi.