Luka 8:53 - Tedim Bible Revision 2017

⁵³ Amah a sih khitna thei uh ahih manin Jesu a nuihsan lel uh hi.

Tedim Bible

⁵³ Amah a si kei hi, a ihmu hi,” a cih ciangin, numeino a si cih amau thei uh ahih ciangin, Zeisu zahpihin a nuihsan uh hi.

Luka 8:53 Referans Kwoze

Luka 16:14

Sum a deih phadiak Farisi mite in hih thute a zak uh ciangin Jesu a nuihsan uh hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Johan 11:39

A phual a tun ciangin, “Suangtum lik khia un,” ci-in thu a pia hi. Tua ciangin misi paʼ naunu Martha in, “Topa aw, a kivui zawh ni li pha khin ahih manin uih ta ding hi,” a cih leh

Late 22:7

Hong mu mi khempeuh in kei hong zahko-in, hong mukpik san uh a, a lu uh hong pei san hi.

JOB (Job) 17:2

Ka heina khempeuh ah mite in hong zahko uh a, amauʼ hong phinna in hong lungzingsak hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi. Ahi zongin Pasian in ka thungetna a hong piak hun om hi.

Mattiu 9:24

“Na vekpi-un paikhia un. Hih numeino a si hi lo a, a ihmu bek ahi hi,” a ci hi. Ahi zongin amaute in Jesu zahpihin a nuihsan uh hi.

Luka 8:52

Tua lai-a om mi khempeuh, tua numeinoʼ sihna hangin kapin, thumin na om uh hi. Ahi zongin Jesu in, “Kap nawn kei un, amah a si hi lo hi; a ihmu bek ahi hi,” a ci hi.

Luka 8:54

Ahi zongin Jesu in numeino a khutin lenin, “Numeino aw, tho in,” a ci hi.