Luka 8:52 - Tedim Bible Revision 2017

⁵² Tua lai-a om mi khempeuh, tua numeinoʼ sihna hangin kapin, thumin na om uh hi. Ahi zongin Jesu in, “Kap nawn kei un, amah a si hi lo hi; a ihmu bek ahi hi,” a ci hi.

Tedim Bible

⁵² Mi khempeuh in numeino hangin nakpi-in a kap uh a, thuumin a om uh hi. Zeisu in, “Kap kei un.

Luka 8:52 Referans Kwoze

Johan 11:4

Ahi zongin Jesu in tua thu a zak ciangin, “Hih natna pen sih nading natna hi lo a, Pasianʼ Tapa in Pasianʼ pianzia a neihna mite in a theih nading le Pasian a phat theih nadingin a na ahi hi,” a ci hi.

Luka 23:27

Jesuʼ nung zui-in mi tampi tak pai uh a, tuate lakah Jesu kahin a tamlawh numei pawl khat zong a kihel hi.

Mattiu 11:17

‘Lam nading khuang kong tumsak uh hangin na lam nuam kei uh a, kah la ka sak uh hangin lah na kap nuam tuan kei uh hi,’ a kicite tawh a kibang uh hi.

Zekhariah 12:10

“Davidʼ suanlekhakte le Jerusalem khua miteʼ tungah hehpihna lungsim le thungetna lungsim ka guan ding hi. Amaute in a sut lup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpi takin kapin thum ding uh hi.

2 SAMUEL NIHNA 18:33

Tua ciangin kumpipaʼ lungsim nakpi takin su kha a, kulh kongpi tunga inn dei sungah pai to-in a kap hi. A pai kawmin amah in, “Aw ka tapa Absalom, ka tapa, ka tapa Absalom! Nangma tangin kei si zaw taleng. Aw Absalom, ka tapa, ka tapa!” a ci hi.

Paikhiatna 24:17

Tu-in Topaʼ vangliatna vang pen Israel miteʼ muhna ah mualvum dawn a kaang tum meikuang tawh kibang hi.

Piancilna 23:2

Kanaan miteʼ gam sung Kiriath-arba (Hebron) ah a si hi. Abraham dahin kap a, a vui nading vaihawm hi.

Luka 8:51

Tua inn ah Jesu a tun ciangin Peter, Johan le James le numeinoʼ nu le pa sim loh kuamah dang, inn sungah zuisak lo hi.

Luka 8:53

Amah a sih khitna thei uh ahih manin Jesu a nuihsan lel uh hi.

Luka 23:48

Hih thute a en dingin a hong pai mihonpite in a thupiang teng a muh uh ciangin dahin dip hum sa-in a ciah uh hi.