Luka 8:49 - Tedim Bible Revision 2017

⁴⁹ Tua bangin thu a gen laitakin kikhopna inn ukpaʼ inn panin kamtai khat hong tung a, “Na tanu si khinzo ta hi. Siapa gimsak nawn kei in,” a hong ci hi.

Tedim Bible

⁴⁹ Zeisu in tua thu a gen lai takin, kikhopna inn ukpa’ inn panin mi khat hong pai a, “Na tanu a si zo hi. Siapa gimsak kei in,” ci-in a gen hi.

Luka 8:49 Referans Kwoze

Luka 7:6

Tua ahih manin Jesu in zong amaute sapna bangin a va zui hi. Jesu a tun madiakin galkap bupa in Jesu kiangah a lawmte pawl khat sawl a, “Topa aw, ka inn ah nong pai nadingin kei kilawm zo lo ka hih manin hong pai dah hoh in.

Isaiah 7:12

Ahih hangin Ahaz in, “Ka ngen kei ding hi; Topa ka ze-et kei ding hi,” ci hi.

Luka 11:7

amah in a inn sung panin, ‘Hong nawngkaisak dah in. Kong ka kalh khin uh a, ka naupangte tawh ka lum khinzo uh hi. Kong tho khia thei kei a, bangmah kong pia thei kei ding hi,’ ci-in hong dawng ding hi.

Mattiu 9:18

Tua bangin Jesu in thu genin a om laitakin Jesu kiangah Jew mi ulian khat hong pai-in ama mai ah hong khukdin a, “Tu mahmah in ka tanu a si hi. Ahi zongin nang hong pai-in ama tungah na khut hong nga lecin amah hingkik ding hi,” ci-in a thum hi.

Mattiu 26:10

Ahi zongin Jesu in hih thu phawk ahih manin amaute kiangah, “Hih numei bang nuammawh na hi uh hiam? Kei tungah a kilawm mahmah in amah hong gamta hi.

Marka 5:22

Tua laitakin kikhopna inn a uk, Jairas a kici mi khat hong pai a, Jesu a muh ciangin a khe phung ah bokin,