Luka 8:39 - Tedim Bible Revision 2017

³⁹ “Na inn ah ciah inla, Pasian in nang adingin bangzah takin na hong sepsak hiam, cihna thu va gen in,” ci-in a sawl khia hi. A mipa zong ciah a, ama adingin Jesuʼ sepsakna thu khempeuh, khua sung tengah a gengen hi.

Tedim Bible

³⁹ Zeisu in, “Na innah ciah in la, Pasian in nangma tungah bangzah takin noptuamna hong bawl cih na zasak in,” ci-in a sawl hi. Tua pa pai a, Zeisu in ama tungah bangzah tak noptuamna bawl hiam ci-in khua sung khempeuh thu a kizeelsak hi.

Luka 8:39 Referans Kwoze

1 TIMOTI MASA 5:8

Mi khatpeuh in a beh a phung, a diakdiakin a innkuan sung mite a vak nop kei leh a upna a nusia hi ta a, thu um lo mite sangin sia zaw lai hi.

Johan 4:29

“Hong pai un. Ka gamtatna sa a hong thei pa va en ni. Amah Khris hi kha ding hi,” a va ci hi.

Thu-hilhkikna 10:21

Amah pen nomauʼ phat ding ahi hi. Na mitte un a muh sa hih a lian a kihtakhuai nate note adingin hong bawlsak pa pen na Pasian uh ahi hi.

Marka 1:45

Ahih hangin a mipa pai khia-in a paina khempeuh ah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin miteʼ theihin khua sungah Jesu lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Late 66:16

Pasian a zahtakte khempeuh aw, hong pai unla, hong za un. Kei-aʼ dinga ama bawl sate kong gen ding hi.

Marka 5:18

Tua lai panin gunkuang tungah Jesu a kah tohkik ciangin dawi a vei ngei mipa in, “Kei zong hong zuisak in,” ci-in a thum hi.

Marka 5:19

Ahi zongin Jesu in amah zuisak lo a, “Na innkuanpihte kiangah ciahkik inla, Topa in nang a hong hehpihna le nangma tunga a hong bawlnate va gen in,” ci-in a sawl zaw hi.

Luka 8:38

Dawi a pai khiatna mipa in Jesu kiangah, “Kei zong hong zuisak in,” ci-in a thum hi; ahi zongin Jesu in,

Luka 8:40

Tuili gal khat ah Jesu hong ciahkik ciangin, ama hong ciahkik ding ngakin om niloh uh ahih manin mite na nuam mahmah uh hi.