Luka 8:30 - Tedim Bible Revision 2017

³⁰ Jesu in ama kiangah, “Na min bang ahi hiam?” ci-in a dot ciangin, ama sungah dawi tampi lut ahih manin, “A Honpi,” ci-in a dawng hi.

Tedim Bible

³⁰ Zeisu in, “Na min bang ahi hiam?” ci-in a dot ciangin, “Ka min Legion ahi hi,” a ci hi. Bang hang hiam i cih leh, dawite tampi in ama sungah a lut zo uh hi.

Luka 8:30 Referans Kwoze

Mattiu 26:53

Ka Pa kiangah ngen hi leng, vantung galkapte hon sawm le hon nih val, thakhat thu-in hong puak pah theih ding lamtak thei lo na hi hiam?

Luka 8:2

le a sung pan dawi a hawl khiatsakte le natna tuamtuam pan a damsak numei pawl khat in zong a zui uh hi. Tua numeite: A sung panin dawi sagih a kihawlkhiatna Mary (Magdala khuami Mary a kici nu),

Marka 16:9

(Sihna panin Jesu a thawhkik khit ciangin ama sung pan dawi sagih a hawl khiatna, Magdala khuami Mary tungah Nipi ni zingsang tungin kilang masa hi.

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Marka 5:9

Jesu in, “Na min bang ahi hiam?” ci-in a dong hi. Mipa in, “Kote tampi pha ka hih manun ka min pen A Honpi ahi hi,” ci-in a dawng hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Luka 8:29

Hih bangin a cihna pen, ama sung panin dawi a paikhiat nadingin Jesu in thu a piakna hang ahi hi. Dawi in tua mipa tam veipi tak man a, a khut le a khete sikkhau tawh khihin a kikepcip hangin a sikkhaute peksat a, dawi in gamlak ah a paikhiatpih hi.