Luka 8:3 - Tedim Bible Revision 2017

³ Herodʼ khutnuai-a ulian Khuzaʼ zi Joanna, Susanna le numei dang tampite hi uh a, amauʼ neihsa tawh Jesu le a nungzuite a huh uh hi.

Tedim Bible

³ Herod’ nasempa Khuza’ zi Joanna leh Susanna a kipan adang tampite in zong amau sum tawh amaute kivakin a zui uh hi.

Luka 8:3 Referans Kwoze

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

Filippi 4:22

Hih lai-a om Khristian khempeuh, a diakdiakin kumpi nasem i lawmte in note hong hopih uh hi.

2 KORIN NIHNA 8:9

Bang hang hiam cih leh i Topa Jesu zong hau mahmah napi-in ama zawnna tawh note mihau na suah theih nadingun noteʼ hangin mi zawngin hong kibawl ahih manin i Topa Jesu Khris hong itna bangzah takin lian hiam, cih thu na thei uh hi.

Mattiu 26:11

Mizawngte pen note tawh hong om khawm tawntung dinga, ahi zongin note tawh kei ka hong om khawm tawntung kei ding hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a van puakte uh suah khia uh a, kham, saledi paknamtui le myrrh paknamtuite, letsongin a pia uh hi.

Isaiah 23:18

Ama sumbuk vante le ama sepna panin a ngah nate pen Topa’ tungah kipia ding hi. Ahih hangin tuate kikholcip mawk loin, Topa a bia miteʼ an ding le puan hoih nono leina-in kizang ding hi.

1 KHANG TANGTHU MASATE 29:14

“Ahih hangin kote in hih bangin utna tawh kong piak nadingun kei kua hi a, ka mite bang ahi hiam? Bang hang hiam cih leh na khempeuh nang kiang pan hong pai hi a, nangma aʼ mah nang tungah a hong pia ka hi uh hi.

Luka 24:10

Sawltakte kiangah hih thu a gen numeite pen Magdala khuami Mary, Joanna, Jamesʼ nu Mary le numei dangte ahi uh hi.

Sawltak 13:1

Antiok khua pawlpi sungah kamsang pawl khat le sia pawl khat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai ah gam a uk sawn Herod tawh a khangkhawm Manaen le Saul ahi uh hi.

Mattiu 14:1

Tua hun laitakin Galilee gam sungteng a uk sawn kumpi Herod in Jesuʼ thu a za hi.

Mattiu 14:3

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupaʼ zi na teenpih ding ngeina hi lo hi,” ci-in gen zelzel ahih manin Herod a heh suak a, Johan mansakin, khau khihsakin, thong sungah a khumsak hi.

Mattiu 14:6

Ahi zongin Herodʼ suah ni pawi bawl hun hong tun ciangin mihonte mai ah Herodiasʼ tanu hong laam ciangin Herod lungdam mahmah ahih manin,

Mattiu 20:8

“Nitak ciangin lo nei pa in a nuai-a nasem ukpa kiangah, ‘Lokhote sam inla, a kicial nunung pen a kipanin a kicial masa pente dongin a ni tha uh pia in,’ a ci hi.

Mattiu 27:55

Galilee gam panin Jesu hong zui-in amah a huh, a gal et numei tampi zong a om hi.

Johan 12:6

Hih bangin kam a pauna pen mizawngte a khualna hang hi lo a, amah sumkem ahih manin a sumte gu-in a ututin a zang zel pa ahihna hang hizaw hi.