Luka 8:27 - Tedim Bible Revision 2017

²⁷ Gunkuang tung panin leilak ah Jesu hong pai suk laitakin tua khua sunga om dawivei mi khat in a na dawn hi. Tua dawivei pa pen sau veipi sung puan silh loin om khin a, inn ah zong om loin han lak khawngah om tawntung hi.

Tedim Bible

²⁷ Zeisu lei tungah a kahtoh ciangin tua khua panin dawi lut mi khat in a dawn hi. Tua pa in sawtveipi puan silh lo a, innah om loin han lakah a om hi.

Luka 8:27 Referans Kwoze

1 SAMUEL MASA 19:24

Amah in zong a puante suah khia-in Samuelʼ mai ah laamin awng a, tua sun tawntung le tua zan tawntung a guaktangin a om hi. Tua hun a kipanin, “Saul zong kamsang suak khin ahi hiam?” kici hi.

Gamlak-vakna 19:16

Namsau tawh gamlak ah a kithat mi ahi a, misi pumpi ahi a, mi guh ahi a, han ahi zongin a lawng mi peuhmah ni sagih sung a nin hi ding hi.

Isaiah 65:4

han sungah tu-in, mun simtham ah zanin misite thu a dong mite, voksa ne-in amauʼ beel sungah dawibiakna sa meh tui a koih mite,

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Marka 5:15

Jesu kiang a tun uh ciangin dawi tampi a vei ngei mipa zong a mu uh hi. Tua mipa hoihtakin om a, a lungsim pilin, puan silhin a om a muh uh ciangin lamdang sa-in lau mahmah uh hi.

Luka 8:26

Tua ciangin Galilee Tuili gal khat, Gadara gam a tung uh hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.