Luka 8:18 - Tedim Bible Revision 2017

¹⁸ Tua ahih ciangin thu na ngaih uh ciangin limtakin kingaihsun un. Bang hang hiam cih leh a nei sa mipa tungah Pasian in pia thuah dinga, a nei lo mipa tung panin them khat nei-a a kingaihsut nangawn lakkhiatsak ding hi,” a ci hi.

Tedim Bible

¹⁸ Tua ahih ciangin note in bangci na zak uh hiam, na kikeem un. Bang hang hiam na cih uh leh, a neite kipiak beh ding hi. A nei lote kiang pan a neihsa a upmawh nangawn kilakhia ding hi,” ci-in thu a hilh hi.

Luka 8:18 Referans Kwoze

Mattiu 13:12

Bang hang hiam cih leh a nei sate tungah kipia thuahin hau semsem dinga, a nei lote tung panin a neihsa sunsun nangawn kilaksak ding hi.

Luka 19:26

A topa in, ‘Keʼn kong cih in ah, a nei sate tungah kipia thuah dinga, ahi zongin a nei lote tung panin them khat a neihsun nangawn kilaksak ding hi.

Mattiu 25:29

Bang hang hiam cih leh a nei sate kipia thuah dinga, hau semsem ding hi. Ahi zongin a nei lote tung panin a neihsa sunsun nangawn kilaksak ding hi.

Johan 15:2

Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.

Hebru 2:1

Tua ahih manin i zak sa thuman thutakte i khahsuah khak loh nadingin kiptak kho takin i letkip ding kisam hi.

1 KORIN MASA 14:37

Mi khatpeuh in Kha Siangtho hong piak siamna a nei, Pasian thugen ka hi hi, ci-in a kingaihsut leh hih lai ka hong gelhte pen Topaʼ thupiakna tawh a gelh ka hih lamtak a phawk ding kisam hi.

1 KORIN MASA 8:2

Mi khat in thu a thei-in a kingaihsut leh a taktakin a theih dingin a kilawm zah a thei nai lo ahi hi.

1 KORIN MASA 3:18

Note khatpeuh hih leitung ngeina ah a pilin na kingaihsut uh leh a pil taktak na hih theih nadingun a hai na suak phot un.

ROM (Romans) 12:3

Pasian in kei tungah hehpihna hong piakkhongna hangin note tungah kong gen nop thu in: Note tawh a kituak zah valin kilian ngaihsut zaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.

Sawltak 17:11

Thesalonika khua mite sangin Berea khua mite in mipi lungsim nei zaw uh hi. Amaute in lawp mahmahna tawh Paulʼ thugente ngai uh a, Paulʼ thugente man taktak hiam ci-in a theih nadingun nisimin Lai Siangtho a sim uh hi.

Sawltak 10:33

Tua ahih manin nang kong samsak pah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasianʼ omna hih lai munah a om ka hi uh hi,” ci-in a dawng hi.

Luka 9:44

“Mihingteʼ khut sungah Mihing Tapa kipia ding ahihna thu mangngilh het kei un,” a ci hi.

Filippi 3:4

Kei mahmah zong, tua bang nate muan theih ding a nei pa ka hi hi. A puatham a ciaptehna muan theih ding nei ing, a ci a om leh, keʼn ka lim neih zaw lai hi.

Marka 13:14

“Ama om loh nading pi ah a lipkhaphuai zehphitna a hong om na muh uh ciangin (hih lai a simte in Jesuʼ cihnopna thei ta un!) Judea gam a om mite mual tungah tai un.

Paunak 14:12

Mihingte in thuman lampi hi, ci-in a ngaihsutte pen sihna lampi hi kha thei hi.