Luka 8:10 - Tedim Bible Revision 2017

¹⁰ Jesu in, “Pasianʼ Ukna thu tawh kisai thusim, note tungah hong kigen hi. Ahi zongin midangte in, enen napi-un a muh loh nading zaza napi-un a tel loh nadingun amaute tungah thu gentehna tawh thu kigen hi,” a ci hi.

Tedim Bible

¹⁰ Zeisu in, “Note in Pasian’ Gam thusimte na theihtheih nadingun thu hong kipia hi. Midangte ahih leh, en napi-in mu lo ding uh hi. Ngai napi-in a khiatna a theih loh nadingun thugentehna tawh kihilh ding hi.”

Luka 8:10 Referans Kwoze

Isaiah 6:9

Tua ciangin amah in, “Pai inla, hih mite tungah, ‘Zaza napi tel lo; mumu napi thei lo,’ va ci in.

Marka 4:11

Jesu in, “Pasianʼ Ukna tawh kisai thusim, Pasian in note tungah hong gen khinzo hi. Ahi zongin a pualam a om mite tungah na khempeuh, thu gentehna bek tawh kigen hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Kolose 2:2

Note, lungsim hanna tawh kidimin, thu a man taktakin na theihna hangun lungkip takin omin, itna tawh pum khat na suah theih nading uh ka deihna ahi hi. Tua hileh Pasianʼ thusim ahi Khris mahmah na thei ding uh hi.

ROM (Romans) 16:25

Eite khempeuh in Pasian phat ni. Keima hilh Jesu Khris thu ahi Lungdamna Thu le tanglai-in a ki-imcip, tu-in a kipholak thu ah, amah pen noteʼ upna a hong kipsak thei pa ahi hi.

Mattiu 16:17

Tua ciangin Jesu in ama kiangah, “Jonahʼ tapa Simon aw, hoih mahmah hi. Hih thu, leitung pilna tawh na theih tawm hi lo a, vantungah a om ka Pa in nangma tungah hong hilh ahi hi.

Late 25:14

Topa tawh kilawmtatna pen amah a zahtakte ading hi a, a thuciamna amau tungah kitheithangsak hi.

Thu-hilhkikna 29:4

Ahih hangin tu ni dongin Topa in noteʼ tungah a thu na tel nading uh lungsim hitaleh, na muh nading uh mit hitaleh, na zak nading uh bil hitaleh hong pia nai lo hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

1 KORIN MASA 12:11

Hih siamna a tuamtuamte a hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi.

Johan 12:40

“Amauteʼ natna ka damsak loh nadingin a mit un mu loin, a lungsim un a theihtheih loh nadingun amauteʼ mit ka tawsak a, a lungsim uh ka mawlsak hi, Pasian in ci hi,” ci-in zong na gen lai hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amauʼ mipilteʼ pilna kisia dinga, amauʼ thu-mu-theiteʼ thu muhtel theihna kiseel ding hi,” a ci hi.

Ezekiel 12:2

“Mihing ahi Ezekiel aw, a lehdo thei mite lakah a teeng na hi hi. Amaute in mit nei napi-in khua mu lo uh hi. Amaute pen a lehdo thei mite ahihna hang uh ahi hi.

Marka 4:12

Bang hang hiam cih leh, ‘Enen napi-un a muh nai loh nading, zaza napi-un a tel nai loh nading; amaute in mu-in tel le-uh Pasianʼ lamah kihei ding uh a, Pasian in amauteʼ mawhna maisak ding hi,’” ci-in a dawng hi.