Luka 7:8 - Tedim Bible Revision 2017

⁸ Kei zong ulianteʼ khutnuai ah hong kikoih mi khat ka hi a, keima khutnuai ah zong galkapte a om hi. Khat kiangah, ‘Pai in,’ ci leng a pai hi. Khat kiangah, ‘Hong pai in,’ ci leng a hong pai hi. Ka nasem pa kiangah, ‘Hih na sem in,’ ci leng zong sem hi,” a ci hi.

Tedim Bible

⁸ Bang hang hiam na cih leh, keimah in zong mangza-ah hong kikoih hi. Ka nuai-ah zong galkapte a om hi. Tua galkapte khat kiangah, ‘Pai in,’ ka cih ciangin a pai hi. Adang khat kiangah, ‘Hong pai in,’ ka cih ciangin a hong pai hi,” ci-in a gensak hi.

Luka 7:8 Referans Kwoze

Kolose 3:22

Silate aw, thu khempeuh ah na leitung topa uh thu na mang un. Amauʼ hong pahtak ding deihna tawh a hong muh sung bekin a hoih tatte hi kei unla, Topa na zahtakna uh hangin lungsim tak tawh gamta un.

Sawltak 23:17

Tua ciangin Paul in galkap bute khat samin ama kiangah, “Galkap mangpa kiangah hih tangvalpa va paipih in. Amah in thugen ding khat a nei hi,” a ci hi.

Sawltak 25:26

Ahi zongin kumpipa tungah bang teng taktak gelh ding cih ka thei kei hi. Tua ahih manin ama thu a kikan khit ciangin ka gelh ding thu ka theih nadingin note mai ah, a diakdiakin kumpipa Agrippa mai ah amah kong paipih hi.

Sawltak 24:23

Paul cin ding tavuan a la bupa kiangah thu pia a, “Paul hoihtakin cingsak inla, ahi zongin a lawmte in a kisapna peuhpeuh a piak theih nadingun kimuh theih nading hun pia zel in,” ci-in a vaikhak hi.

Sawltak 23:26

“A Lian Menzipa aw, Keimah Klaudias Lysias in hopihna lai ka hong gelh hi.

Sawltak 23:23

Tua ciangin galkap mangpa in galkap bute nih samin, “Sisaria khua ah a pai ding galkap za nih sam unla, sakol tung tuang galkap sawm sagih le tei tawi galkap za nih tawh zong pai unla, tu zan nai kua hunin ding khia un.

Luka 7:7

Nangmah tawh a kimu dingin zong kilawm zo kisa lo ka hih manin keima pumpi kong pai kei hi. Thu pia peuh lecin ka nasem pa dam lel ding hi.

Luka 7:9

Jesu in hih thu a zak ciangin lamdang sa mahmah a, amah a zui mihonte lamah kihei-in, “Israel mite lak nangawn ah hih bang upna ka mu nai kei hi,” a ci hi.

Sawltak 23:31

Galkapte zong a thu ngahna bangun gamta uh a, tua zanin Paul paikhiat pihin Antipatris khua dong a paipih uh hi.