Luka 7:48 - Tedim Bible Revision 2017

⁴⁸ Tua ciangin Jesu in numei kiangah, “Na mawhnate hong kimaisak khin hi,” a ci hi.

Tedim Bible

⁴⁸ Numei kiangah, “Na mawhna kimaisak zo hi,” a ci hi.

Luka 7:48 Referans Kwoze

Mattiu 9:2

Mi pawl khat in khutlekhe zaw mi khat, a lupna pheek tawh hong pua-in Jesu kiang a hong tunpih uh hi. Jesu in amauteʼ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Marka 2:5

Jesu in hih miteʼ up mahmahna thu a muh ciangin khutlekhe zaw mipa kiangah, “Ka ta aw, na mawhnate hong kimaisak hi,” a ci hi.

Luka 5:20

Jesu in amauteʼ upna a muh ciangin a mipa kiangah, “Lawm aw, na mawhnate hong kimaisak khinta hi,” a ci hi.

Mattiu 9:5

‘Na mawhna hong kimaisak hi,’ cih ding le, ‘Tho inla pai in,’ cih ding koi baih zaw ahi hiam? Kampau lel pen baih mahmah hi.

Marka 2:9

Hih khutlekhe zaw mipa kiangah, ‘Na mawhna hong kimaisak khin hi,’ cih ding le, ‘Tho-in na lupna pheek la inla pai dih in,’ cih ding koi baih zaw ahi hiam?

Luka 5:23

‘Na mawhnate hong kimaisak hi,’ cih ding baih zaw ahi hiam, tua ahih kei leh, ‘Tho inla, lam pai in,’ cih ding baih zaw ahi hiam?

Luka 7:47

Tua ahih ciangin nang kiangah kong genin ah, ama mawhna tampi tak a omte kimaisak khin ahih manin amah in a itna nakpi takin a lak hi. Ahi zongin tawmno bek a kimaisakte in a itna uh tawmno bek mahin a lak uh hi,” a ci hi.