Luka 7:43 - Tedim Bible Revision 2017

⁴³ Simon in, “Leiba tam a maisakna pa in it zaw dingin ka um hi,” ci-in a dawn ciangin Jesu in, “Na genna man mahmah hi,” a ci hi.

Tedim Bible

⁴³ Simon in, “A maisakna tam zaw a ngah mi in it zaw-in ka um hi,” a ci hi. Zeisu in, “Na up bang a man hi,” ci-in a gen hi.

Luka 7:43 Referans Kwoze

Luka 10:38

Amaute a pai laitakun khua khat ah Jesu bang a, Martha kici numei khat in a inn ah na tungsak hi.

Luka 7:47

Tua ahih ciangin nang kiangah kong genin ah, ama mawhna tampi tak a omte kimaisak khin ahih manin amah in a itna nakpi takin a lak hi. Ahi zongin tawmno bek a kimaisakte in a itna uh tawmno bek mahin a lak uh hi,” a ci hi.

Marka 12:34

Jesu in hih mipaʼ thugenzia hoih sa ahih manin, “Pasianʼ Ukna sungah a om dektak mahmah na hi hi,” a ci hi. Tua khit a kipanin Jesu kiangah kuamah in thu dong ngam nawn lo uh hi.

Mattiu 18:27

Kumpipa in khasiathuai sa ahih manin a leiba teng maisakin a khah hi.

Luka 7:42

Amau tegel in a loh zawh loh ciangin a batna pa un a nih tuakun a maisak hi. Hih mi nihte sung panin kua in amah it zaw ding ahi hiam?” a ci hi.

Luka 7:44

Tua ciangin numei lamah Jesu kihei a, Simon kiangah, “Hih numeiʼ gamtatna na mu hiam? Na inn ah kong pai a, ka khe sil nading tui nong pia kei hi. Ahi zongin amah in a khitui tawh ka khe hong silsak a, a sam tawh hong nul keusak hi.