Luka 7:42 - Tedim Bible Revision 2017

⁴² Amau tegel in a loh zawh loh ciangin a batna pa un a nih tuakun a maisak hi. Hih mi nihte sung panin kua in amah it zaw ding ahi hiam?” a ci hi.

Tedim Bible

⁴² Amaute in leiba loh nading a neih loh uh ciangin sum neipa in, tuate gel’ leiba a maisak hi. Tua bang ahih leh, tua nihte lakah kua pen in sum neipa a it zaw ding hiam?” ci-in a dong hi.

Luka 7:42 Referans Kwoze

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in noteʼ mawhna hong maisak bangin note zong khatlekhat na mawhna uh na kimaisak ding uh hi.

Efesa 4:32

khatlekhat kihehpihin, lungsim nem tawh na kiho zaw unla, Khrisʼ hangin Pasian in noteʼ mawhna hong maisak mah bangin khatlekhat na mawhna uh na kimaisak ta un.

Efesa 1:7

Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zui khin tawntung lote in Pasianʼ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

ROM (Romans) 5:6

Eite cimawhin i om laitakin Pasianʼ hoihsak hunin ei migilote adingin Khris hong si hi.

ROM (Romans) 3:24

Ahi zongin Pasian in a hong hehpihna hangin Khris Jesu tawh hong tatkhiat manin amah tawh i kipawl theikik hi.

Mattiu 18:34

Kumpipa zong a heh suak ahih manin a leiba khempeuh a loh khit matengin thong sungah a kikhum nadingin thu a pia hi.

Isaiah 44:22

Na thupalsatnate meiipi bangin na khialhnate meii lum bangin ka phiat khia khinzo hi. Hong hon khia khin ka hih manin kei kiangah hong ciahkik in.

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

Late 103:3

Amah in ka mawhna khempeuh hong maisak a, ka natna khempeuh hong damsak hi.

Mattiu 6:12

Kote tungah a hong mawhte mawhmaisakna ka neih bangun koʼ mawhna zong hong maisak in.

Mattiu 18:27

Kumpipa in khasiathuai sa ahih manin a leiba teng maisakin a khah hi.

Luka 7:43

Simon in, “Leiba tam a maisakna pa in it zaw dingin ka um hi,” ci-in a dawn ciangin Jesu in, “Na genna man mahmah hi,” a ci hi.

2 SAMUEL NIHNA 14:13

Tua ciangin a numei in, “Tua ahihleh bang hangin Pasianʼ miteʼ langah tua bang na hih sawm na hi hiam? Bang hang hiam cih leh hih bang lungsim khensatna na piakna ah kumpipa in a hawl khiatna a inn ah a paipihkik mateng kumpipa a mahmah mawh a kipia ahi hi.