Luka 7:40 - Tedim Bible Revision 2017

⁴⁰ Tua ciangin Jesu in, “Simon aw, kong gen nop khat om hi,” a ci hi. Simon in, “Sia aw, bang hong gen nuam na hi hiam?” a cih ciangin

Tedim Bible

⁴⁰ Zeisu in zong, “Simon aw, nangma kiangah kong gen ding khat a om hi,” a cih ciangin amah in, “Sia aw, hong gen in,” a ci hi.

Luka 7:40 Referans Kwoze

Johan 16:30

Tu-in na khempeuh na theih khitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Johan 16:19

Jesu in amauteʼ theihnop lamtak phawk ahih manin amaute kiangah, “Note khatlekhat na kidot uh, ‘Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,’ ka cihnopna a kidong na hi uh hiam?

Johan 13:13

Note in kei pen Siapa le Topa, na hong ci uh hi. Na hong cih uh mah bangin a man ka hi hi.

Johan 3:2

Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Luka 18:18

Jew mi ulian khat in Jesu kiangah, “A dik siapa aw, nuntak tawntungna ka ngah nadingin bang hih ding ka hi hiam?” ci-in a dong hi.

Luka 6:8

Ahi zongin Jesu in amauʼ ngaihsutna thei ahih manin a khut zaw mipa kiangah, “Ding inla, mihonte mai hih lai munah hong pai in,” a ci hi. A mipa zong hong pai-in mihon mai ah a hong ding hi.

Luka 5:31

Tua ciangin Jesu in, “Cidamte in siavuan kisam lo uh a, cinate bek in kisam uh hi.

Luka 5:22

Jesu in amauteʼ ngaihsutna thei ahih manin amaute kiangah, “Bang hangin tua bangin ngaihsun na hi uh hiam?

Mattiu 7:22

Tua ni ciangin mi tampi in kei kiangah, ‘Topa, Topa aw, nangma min tawh thu hilhin, nangma min tawh dawite hawl khia-in, nangma min tawh nalamdang lian tampi bawl hi lo ka hi uh hiam?’ hong ci ding uh hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Mattiu 26:49

Judas zong Jesu kiangah hong pai pahin, “Topa aw, thupha ngah ta in,” ci-in hopihin limnap mahmah hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Luka 7:39

Jesu a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numei nu a bangci mi ahi hiam cih thei dinga, ama gamtat hoih lohna teng zong thei ding hi,” a ci hi.

Luka 7:41

Jesu in, “Lei a ba mi nih om hi. Khat in ngun peek za nga ba a, a khat in sawm nga ba hi.

1 KUMPI MASATE 2:14

Tua ciangin Adonijah in, “Nang tungah gen ding khat ka nei hi,” a ci hi. Amah in, “Gen in,” a ci hi.