Luka 7:4 - Tedim Bible Revision 2017

⁴ Jesu kiangah Jew mi upate a tun uh ciangin nakpi takin thum uh a, “Amah na huh dingin a kilawm mahmah mi khat ahi hi.

Tedim Bible

⁴ Tua upate in Zeisu kiang a tun’ uh ciangin, “Tua thu ama ading na hih nadingin tua pa a kilawm hi.

Luka 7:4 Referans Kwoze

Mangmuhna 3:4

Ahi zongin Sardis khua sunga om note lakah a puan a ninsak nai lo tawm khat na om uh hi. Tua bang mite kilawm uh ahih manin kei tawh puan pak silhin ka tonkhawm ding uh hi.

Mattiu 10:13

Tua na hopihna uh inn sunga mite in note hong tunsak nop leh na hopihna thupha uh amaute tungah kip dinga, ahi zongin hong tunsak nop kei uh leh na hopihna thupha uh na dokkik ding uh hi.

Luka 20:35

Ahi zongin sihna panin thokikin a hong tung ding hunah a nungta dingin a kilawm mite in kiteenna cihte nei lo uh hi.

Mattiu 10:11

“Khuapi ahi a, khua neu ahi zongin khua khat peuhpeuh na tun uh ciangin tua khua sungah note zin hong tungsak nuam kua om ahi hiam, ci-in zong unla, na muh uh ciangin tuateʼ inn ah tungin, tua khua na nusiat mateng uh tua lai mahah omsuak pah un.

Luka 7:3

Tua bupa in Jesuʼ thu a zak ciangin, ama kiangah Jew mi upate pawl khat sawl a, Jesu hong pai-in a nasem pa a damsak nading a thumsak hi.

Luka 7:5

Amah in ei minam hong it mahmah a, kikhop nading inn khat zong hong lamsak hi,” a ci uh hi.

Sawltak 10:2

Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpi takin na sem a, Pasian kiangah thu a ngen tawntung mi khat ahi hi.