Luka 7:30 - Tedim Bible Revision 2017

³⁰ Ahi zongin Farisi mite le Thukham hilh siate in Pasianʼ deihna nialin Johan khut sungah tui kiphum ding ut lo uh hi.

Tedim Bible

³⁰ Ahih hangin, Farisaite leh laitheite in amau noptuam nadingin Pasian’ deihna a nial uh a, Johan’ baptaizna a sang kei uh hi.

Luka 7:30 Referans Kwoze

Luka 13:34

“Jerusalem, Jerusalem aw, kamsangte na that a, Pasianʼ hong sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Jeremiah 8:8

Bangci bangin note in, ‘Ko ka pil uh a, Topaʼ thukham ka nei uh hi,’ ci thei ding na hi uh hiam? En un, thuman lo lai theite in tua thukham zuau thu a suah uh hi.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

ROM (Romans) 10:21

Tua ciangin Israel mite tawh kisai-in, “Ka thu a mang lo, kei hong langpang mite tawh ka kilemkik theih nadingin a tawntungin ka hanciam hi,” ci-in a na gen hi.

Sawltak 20:27

Bang hang hiam cih leh note tungah Pasianʼ thu kong gen loh khat zong om nawn lo hi.

Mattiu 22:35

Amaute sung panin Thukham hilh siate khat in Jesu a thangsiahna-in thu hong dong a,

Efesa 1:11

Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.

Galati 2:21

Hih bang ka gen ciangin Pasianʼ hehpihna thupha ka deih lohna ahi kei a, Thukham zuih zawhna hangin Pasian tawh kipawl theihna om hileh, singlamteh tungah Khris sihna a mawkna hi lel ding hi, a ci nuam ka hizaw hi.

Paunak 1:25

Ka thugente khempeuh hong thudon loin, kong tainate khempeuh hong mang nuam lo na hih manun,

Luka 7:31

Tua ciangin Jesu in, “Tu hun a mite bang tawh genteh dinga, bang tawh kibang ci ding ka hi hiam?

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong deng lum ding uh hi, a kici uh hi.