Luka 7:22 - Tedim Bible Revision 2017

²² Tua ahih manin Johanʼ kamtaite kiangah, “Va ciahkik unla, na muh sa uh le na zak sa uh thute khempeuh Johan kiangah va gen un. Mittawte in khua mu thei a, khebaite lam pai thei a, miphakte damkik a, bilngongte in khua za theikik a, misite kihingsakkik a, mizawngte tungah Lungdamna Thu kihilh hi.

Tedim Bible

²² Tua ciangin, “Note pai un la, na zaksa, na muhsa uh thute Johan kiangah va gen un. Mittawte in khua mukik thei uh hi. Khebaite in lam a pai thei uh hi. Phakte in damna a ngah kik uh hi. Bengngongte in khua a za thei uh hi. Misite in hin’na a ngah kik uh hi. Mizawngte kiangah Lungdamna Thu kihilh hi.

Luka 7:22 Referans Kwoze

Luka 4:18

“Gimna a thuak mite tungah Lungdamna Thu a hilh dingin Topa in kei hong seh khin ahih manin keima sungah Topaʼ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Mattiu 21:14

Biakinn sung Jesu kiangah mittawte le khebaite hong pai uh a, amah in amaute a damsak hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Luka 7:21

Tua hun laitak mahmah in natna a tuamtuamte tampi damsakin, dawivei mite sung panin dawite hawl khia a, mittaw mi tampi khua a musak hi.

Zefaniah 3:12

Note lakah a kiniamkhiat, mi neute bek, ka suaktasak lai dinga, keima tungah huhna hong ngen ding uh hi.

Jeremiah 31:8

En un, keimah in leilu lam gam panin amaute ka la dinga, leitung a gamla pen mun panin ka kaikhawm ding hi. Mittawte le khebaite zong hong kihel ding uh a, nupi gaite le nausuak ding numeite a kipan hih lai munah mihonpi hong ciahkik ding uh hi.

Isaiah 43:8

Mit nei napi-in a mit a tawte, bil nei napi-in a bil a ngongte, hong paikhiatpih un.

Isaiah 42:16

“Amauʼ theih loh lampi ah mittawte ka paipih dinga, amauʼ theih ngei loh sul zuih pihin ka kha ding hi. Amauʼ mai ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Late 146:8

Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

JOB (Job) 29:15

Mittaw mite adingin mittang ka hi a, khebai mite adingin khe ka hi hi.

Sawltak 8:7

Mi tampite sung panin dawite nakpi takin kiko-in paikhia uh a, khut zaw khe zaw mite zong kidamsak hi.

Johan 1:46

Nethanel in, “Nazareth khua panin bang hong piang peuhmah ding ahi hiam?” na cih san hi. Ahi zongin Filip in, “Hong pai inla, hong mu dih in,” a ci hi.

Mattiu 11:5

Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Luka 7:23

Kei hong umte pen a lungdamhuai mahmah ahi hi,” ci-in a dawng hi.