Luka 7:2 - Tedim Bible Revision 2017

² Tua khua sungah Rom mi galkap bu khat om a, tua bupa in a it mahmah nasem khat a nei hi. Tua a nasem pa a ci na-in a si dektak hi.

Tedim Bible

² Galkap mangpa khat in a it mahmah nasempa khat nei a, tua nasempa cina-in a si dek tak hi.

Luka 7:2 Referans Kwoze

Piancilna 24:27

“Ka topaʼ tungah a itna kip le a thumanna a pelh lo, ka topa Abrahamʼ Pasian, Topa in thupha ngah tahen. Kei ka hih leh, ka topaʼ behteʼ inn zuatna lampi ah Topa in hong paipih hi,” a ci hi.

Kolose 3:22

Silate aw, thu khempeuh ah na leitung topa uh thu na mang un. Amauʼ hong pahtak ding deihna tawh a hong muh sung bekin a hoih tatte hi kei unla, Topa na zahtakna uh hangin lungsim tak tawh gamta un.

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Luka 8:42

Bang hang hiam cih leh kum sawm le kum nih a pha tanu khat a neihsun pen a ci na-in a si dektak hi. Jesu zong tua inn zuan dingin a pai laitakin mihonpite in zui-in a nehcip uh hi.

Mattiu 27:54

Jesu enin a om galkap bupa le galkapte in zinlinna le a thupiangte a muh uh ciangin lamdang sa mahmah uh a, “Hih pa, Pasianʼ Tapa taktak mah ahi hi,” a ci uh hi.

Paunak 29:21

Sila khat a neu tung a kipan limtakin na khoi hangin a tawpna ah nang hong hehsak veve ding hi.

JOB (Job) 31:5

“Ka gitloh gamtat ngei lohna, kuamah ka khem ngei het lohna, ka gamtat hoihna thute ah ka kiciam ngam hi.

Piancilna 35:8

Tua ciangin Rebekah a cingnu Deborah si a, Bethel khang tawsaw nuai ah amah kivui hi. Tua ahih ciangin tua mun min pen Allon-bakuth, kici hi.

Sawltak 27:43

Ahi zongin galkap bupa in Paul suaktasak nuam ahih manin tua bangin a thah ding uh a kham hi. Tua ahih manin tuipeek thei khempeuh in teembaw panin a nawl ah tui va peekin,

Sawltak 27:3

A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piak theih nadingin a pai khiasak hi.

Sawltak 27:1

Italy gamah teembaw tawh ka pai ding uh thu a khen khit uh ciangin Paul le thong kia dangte pawl khat, “Kumpipaʼ Galkapte,” a kici Rom galkapte a uk bu Juliasʼ khut sungah a ap uh hi.

Sawltak 23:17

Tua ciangin Paul in galkap bute khat samin ama kiangah, “Galkap mangpa kiangah hih tangvalpa va paipih in. Amah in thugen ding khat a nei hi,” a ci hi.

Sawltak 22:26

Galkap bupa in hih thu a zak ciangin galkap mangpa kiangah pai-in, “A bangci na hi hiam? Hua mipa, Rom gam mi ahi hi,” a cih ciangin,

Sawltak 10:7

Tua khit ciangin ama kiangah thu a gen vantungmi paikhia a, Kornelias in zong ama inn sung nasemte nih le biakna a hahkat mahmah, ama sawltakin a neih galkapte khat sam a,

Sawltak 10:1

Sisaria khua ah Kornelias a kici mi khat om a, Rom galkap honte sung panin “Italy Galkapte,” a kici sungah galkap bu a sem ahi hi.

Luka 7:1

Jesu in mite kiangah a thugen ding teng a man khit ciangin Kapernaum khua ah a pai hi.

Luka 7:3

Tua bupa in Jesuʼ thu a zak ciangin, ama kiangah Jew mi upate pawl khat sawl a, Jesu hong pai-in a nasem pa a damsak nading a thumsak hi.