Luka 7:19 - Tedim Bible Revision 2017

¹⁹ Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh a dang na lamen lai ding ka hi uh hiam?” ci-in a dong dingin a sawl hi.

Tedim Bible

¹⁹ Johan in ama nungzuite nih sam a, Topa kiangah sawlin, “Nangmah in hong pai dingpa taktak na hi hiam? A hih kei leh midang khat ka lamen lai ding uh hiam?” ci-in a dongsak hi.

Luka 7:19 Referans Kwoze

Johan 4:25

Tua ciangin numei in, “Khris a kici Messiah hong pai nading thu ka thei hi. Amah hong pai ciangin thu khempeuh hong gen ding hi,” a cih ciangin

Luka 10:1

Tua khit ciangin Jesu in ama pai nading khua le mun khempeuh ah nih nihin a na pai dingin mi sawm sagih seh a, ama mai ah a ma paisak hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Haggai 2:7

Minam dang khempeuh lok gawp ding ka hih manin a neihsa uh sum le paite, hih munah hong kipuak dinga, biakinn sungah a dimin van hong om ding hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Isaiah 11:1

Jessiʼ phung sung panin a sel khat hong khang khia dinga, a zungte panin a no khat hong khang ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Joshua 2:1

Tua ciangin Nunʼ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei numei paktat nuʼ inn ah tungin giak uh hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Mangmuhna 11:3

Ka teci nihte puanhampi silhin ka paisak dinga, amaute in ni tul khat za nih sawm guk sung Pasianʼ thu a gen ding uh hi,” hong ci hi.

Marka 6:7

Jesu in sawm le nihte sam a, amaute tungah dawi hawlkhiat nading vangliatna pia-in, amaute nih nihin a sawl khia hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Luka 7:20

Jesu kiangah amaute a tun uh ciangin, “‘Hong pai ding ka cih pa mah na hi hiam, tua ahih kei leh a dang na lamen lai ding ka hi uh hiam?’ ci-in a dong dingin Tuiphumpa Johan in hong sawl hi,” a ci uh hi.

Luka 11:1

Khat vei, Jesu in mun khat ah thu a ngen hi. A thunget a man khit ciangin a nungzuite khat in, “Topa aw, Johan in a nungzuite a hilh bangin kote zong thunget zia hong hilh in,” a ci hi.

Luka 11:39

Tua ciangin Topa in ama kiangah, “No Farisi mite in hai leh kuangte a pualam na siangsak uh a, ahi zongin note na lungsim sung uh ah huaihamin na gi kei uh hi.

Luka 12:42

Topa in, “A pil a citak nasem pa i cih a bangcite ahi hiam? A nasep pih dangte ukin a hun manmanin amauteʼ nekzah ding ciat a pia dingin a topa in a seh nasem pa ahi hi.

Luka 13:15

Tua ciangin Topa in amah dawng a, “No a kineihkhem mite aw, note in Sabbath ni mahin zong na bawngte uh ahi a, na late uh ahi zongin a buk panin na khihna khaute uh sutin, tui pia dingin paipih hi lo na hi uh hiam?

Luka 17:5

Ni khat, sawltakte in Topa kiangah, “Ka upna uh hong liansak in,” a ci uh hi.

Luka 17:6

Topa in, “Ankam tang cia a pha upna nei le-uhcin, hih nailung kung kiangah, ‘Kizunglot inla tuipi sungah va po in,’ ci le-uhcin na cih bangun piang zo ding hi.

Luka 18:6

Tua ciangin Topa in, “Hih mihoih lo thukhen paʼ kampauna ngaihsun un.

Luka 19:8

Tua ciangin Zakkhias dingin Topa kiangah, “Topa aw, ka neihsa a kim khat mizawngte tungah ka pia ding hi. Mi khatpeuh khemin a na ka laksak leh a zah li-in ka lohkik ding hi,” a ci hi.

Luka 22:61

Jesu zong kihei-in Peter hong en a, “Tu ni-in ak a khuan ma-in thum vei nong nial ding hi,” ci-in Topaʼ kampauna thu Peter in hong phawk vat hi.

Luka 24:34

“Topa hingkik khin takpi hi. Simon kiangah na kilak khinzo hi,” ci-in a kigengen laitak uh a tuak uh hi.

Johan 4:1

Jesu in Johan sangin mi tam ngah zaw in a tuiphumna thu Farisi mite in a za uh hi.

Johan 6:23

Ahi zongin Tiberias khua panin gunkuang dang tampi hong pai a, Jesu in lungdamna a koh khit ciangin an a nekna uh munah hong tung uh hi.

Johan 11:2

Mary i cih pen Jesu sathau nuhin a sam tawh a nulsak nu hi a, Lazaras pen ama u ahi hi.