Luka 7:17 - Tedim Bible Revision 2017

¹⁷ Hih Jesu thu pen Judea gam sung le a kiim gam khempeuh ah kizel hi.

Tedim Bible

¹⁷ Tua thu in Judah gam khempeuh akipan a kimkot gam sung khempeuh ah a kizeel khin hi.

Luka 7:17 Referans Kwoze

Luka 7:14

Tua ciangin pai-in a hankuang va len a, si puate zong a khawl pah uh hi. Tua ciangin Jesu in, “Tangval aw, tho in, kong ci hi,” a ci hi.

Marka 6:14

Kumpi Herod in Jesu thu a kigengenna thu a za hi. Mi pawl khat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Marka 1:28

Tua ahih ciangin hih Jesuʼ thu in Galilee gam sung khempeuh thakhatin a zel pak hi.

Mattiu 9:31

Ahi zongin amaute paikhia uh a, tua gam sung khempeuh ah hih thu a zasak uh hi.

Mattiu 9:26

Hih thupiang tua gam khempeuh ah a kizel hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua ah Jesu a suak hi. A suah khit phetin aksi thu lamsang a siam mi pawl khat, nisuahna lam panin Jerusalem ah hong tung uh a,

Luka 4:14

Tua ciangin Kha Siangtho vangliatna tawh a kidimin Galilee gamah Jesu a ciahkik hi. Tua kiim a om gam khempeuh ah ama thu kizakim hi.