Luka 7:12 - Tedim Bible Revision 2017

¹² Tua khuakulh kongpi a tun laitakun misi vui a hong pai mihon tawh a kituak uh hi. A misi pen meigong khatʼ tapa khat neihsun hi a, tua khua sung mihon tampite in tua si vuina ah meigongnu hong zui uh hi.

Tedim Bible

¹² Khua kongpi kiang a tun’ uh ciangin, numei in ta khat bek a neih si a, a luang a puakkhiat lai tak uh ahi hi. Tua numei in meigong hi a, khuapihte tampi amah tawh a paikhawm uh hi.

Luka 7:12 Referans Kwoze

Luka 8:42

Bang hang hiam cih leh kum sawm le kum nih a pha tanu khat a neihsun pen a ci na-in a si dektak hi. Jesu zong tua inn zuan dingin a pai laitakin mihonpite in zui-in a nehcip uh hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

Sawltak 9:41

Peter in a khut khakin a ding tosak hi. Tua ciangin thu um meigong numeite a kipanin thu um khempeuh samkikin amaute kiangah Dorkas a nungta-in a lak hi.

Sawltak 9:39

Peter zong kithawi-in a samte tawh pai khawm pah a, tua khua a tun ciangin inn dei tungnung ah a na paipih to pah uh hi. Tua lai ah a na om meigong numei khempeuh in Peter na umcih uh a, Dorkas a hin lai-in amaute adingin a bawlsak puan-akte le puan tungsilhte, a kah kawmun Peter kiangah a lak uh hi.

Johan 11:19

a upa uh Lazaras a sihna hangin Martha le Mary a hehnem dingin Jew mi tampi zong hong pai uh hi.

Luka 8:52

Tua lai-a om mi khempeuh, tua numeinoʼ sihna hangin kapin, thumin na om uh hi. Ahi zongin Jesu in, “Kap nawn kei un, amah a si hi lo hi; a ihmu bek ahi hi,” a ci hi.

Zekhariah 12:10

“Davidʼ suanlekhakte le Jerusalem khua miteʼ tungah hehpihna lungsim le thungetna lungsim ka guan ding hi. Amaute in a sut lup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpi takin kapin thum ding uh hi.

JOB (Job) 29:13

A lungkham a cimawhte in kei hong phat uh a, meigong numeite a lungnuamin ka omsak hi.

2 KUMPI NIHNATE 4:20

Amah in domin a nu kiangah a paipih ciangin a ang sungah sun dong naupang tawi a, tua ciangin a si hi.

2 KUMPI NIHNATE 4:16

Tua ciangin amah in, “A hun hong tun ciangin tapa khat na tawi ding hi,” a ci hi. Tua ciangin tua nu in, “Hi lo hi, ka topa, Pasianʼ mipa aw; na nasem nu tungah zuau kei in,” a ci hi.

1 KUMPI MASATE 17:23

Tua ciangin Elijah in naupang la-in inn khumzang panin inn sungah paipih suk a, a nu kiangah a pia hi. Tua ciangin Elijah in, “En in, na tapa nungta hi,” a ci hi.

1 KUMPI MASATE 17:18

Tua ciangin amah in Elijah kiangah, “Pasianʼ mipa aw, keiʼ lang khat ah bang thu nei na hi hiam? Ka khialhna a pholak ding ka tapaʼ sihna a piangsak dingin kei kiangah nong pai hi,” a ci hi.

1 KUMPI MASATE 17:12

Tua ciangin amah in, “Topa na Pasian a nungta ahih mah bangin em sa bangmah ka nei kei a, beel sungah annel khut dim khat le um sungah sathau tawmno khat bek om hi. Tu-in keimah le ka tapa adingin tuate bawlin kote in ka nek theih nadingun singkang nih khawng a tom ka hi a, tua ciangin a si ta ding ka hi uh hi,” a ci hi.

1 KUMPI MASATE 17:9

“Ding inla, Sidon miteʼ khua Zarefath ah pai-in tua lai ah om in. Tua lai ah nangmah a hong vak dingin meigongnu khat thu ka pia zo hi,” a ci hi.

2 SAMUEL NIHNA 14:7

Tu-in ka beh buppi na nasem nuʼ langah hong pangin amaute in, ‘Ama thah a sanggampaʼ nuntakna tangin amah ka thah theih nadingun a sanggampa a sat mipa hong pia in,’ hong ci uh hi. Tua bangin amaute in innluah pa zong susia ding uh hi. Tua bangin amaute in a om lai ka lametna pa beisakin leitungah ka pasalʼ suanlekhak a suakta omsak lo ding uh hi,” a ci hi.

Piancilna 22:12

Amah in, “Tangvalpa su kei in. Ama tungah bangmah hih kei in. Bang hang hiam cih leh nang in Pasian na zahtakna tu-in ka thei a, na tapa khat neihsun keima adingin na humcip lohna ka mu hi,” a ci hi.

Piancilna 22:2

Amah in, “Na it, na tapa neihsun Isaac, la inla, Moriah gamah pai in. Tua lai mun a nang kiangah kong gen ding mual khat tungah meihal biakpiakna-in amah hong pia in,” a ci hi.

Luka 7:11

Tua khit a sawt loin Nain khua ah Jesu pai a, a nungzuite le mihonpite in zong a zui uh hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.