Luka 6:7 - Tedim Bible Revision 2017

⁷ Thukham hilh siate le Farisi mite pawl khat in Jesu a mawhsak theih nading uh thu zong nuam uh ahih manin, Sabbath ni-in hih mipa a damsak hiam, ci-in na encik gige uh hi.

Tedim Bible

⁷ Nipi ni-in cinatna damsak ding hiam damsak lo ding hiam, ci-in laitheite leh Farisaite in Zeisu a mawhsak nop manun a en uh hi.

Luka 6:7 Referans Kwoze

Luka 20:20

Tua ahih manin a hunhoih ngakin vil gige uh a, ukna aana a neiteʼ khut sungah Jesu a ap theih nadingun ama kampau tawh a mat nopna-un, lungsim takpi tawh thu dong a va kineihkhem dingin mi pawl khat thukan dingin a cial uh hi.

Luka 13:14

Ahi zongin Jesu in Sabbath ni-in cina a damsakna hangin kikhopna inn ukpa a heh suak a, mite kiangah, “Na a kisep theih nading hun ni guk sung om hi. Tua hun sungin hong pai-in kidamsak unla, ahi zongin Sabbath ni-in hong pai kei un,” a ci hi.

Marka 3:2

Jesu gamta khial hi, ci-in a mawhsak nuam mi pawl khat tua lai ah om uh a, Sabbath ni-in hih mipa a damsak kha hiam, ci-in vil gige uh hi.

Johan 9:16

Farisi mi pawl khat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawl khatte in, “A gamta khial mi in bang hangin hih bangin nalamdang bawl thei ding ahi hiam?” ci leuleu ahih manin miteʼ ngaihsutna kituak lo hi.

Jeremiah 20:10

Miteʼ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khem zo kha ding hi. Tua hileh i zo kha dinga, tua ciangin i thukkik ding hi,” hong ci uh hi.

Late 38:12

Kei a hong that nuamte in a thang uh zak a, keiʼ nat nading a zongte in siat nading thu bek gen uh a, sun thapai-in khemna bekbek ngaihsutin nei uh hi.

Mattiu 5:39

Ahi zongin note kiangah keʼn kong genin ah: A gilote na thukkik kei un. Mi khatpeuh in na paang taklam hong bet leh a lang khat zong na dawh lai zaw in.