Luka 6:43 - Tedim Bible Revision 2017

⁴³ “A cidam singkung in gah gina lo gah ngei lo a, a gina lo singkung in gah limci gah ngei lo hi.

Tedim Bible

⁴³ “Gah hoih lo a gah singkung hoih a om kei hi. Gah hoih a gah kung hoih lo a om kei hi.

Luka 6:43 Referans Kwoze

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisiakikin bang hangin leenggah gui a hoih lote na suakkik na hi hiam?

Mattiu 12:33

“Singgah limci a gah theih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Mattiu 3:10

Tu mahmah in sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Isaiah 5:4

Ka leenggui lo adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Luka 6:42

Na mit sunga singluang hong tang nangawn mu lo napi-in, ‘Lawm aw, na mit sunga ninthem tang hong lakkhiatsak ning,’ ci-in na lawmte kiangah bangci gen theih ding na hi hiam? No a kineihkhemte aw, na mit sung uh a singluang tang la khia masa le-uhcin, na lawmte uh mit sunga ninthem tang mu-in na la khia thei pan ding uh hi.”