Luka 6:26 - Tedim Bible Revision 2017

²⁶ “Mi khempeuh in note hong pahtakbawl ciangin gimna a thuak ding na hi uh hi. Bang hang hiam cih leh a pu a pate un zong tua bangmahin kamsang zuaute a pahtakbawl uh hi.

Tedim Bible

²⁶ Mi khempeuh in note hong phat ciangin, gimna na thuak ding uh hi. Bang hang hiam na cih uh leh, a pute a pate un thuzuau kamsangte tungah tua bangin a bawl uh hi.

Luka 6:26 Referans Kwoze

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teel khia a, amaute tawh kipawl nawn lo na hih manun a hong mudah ahi uh hi.

Jeim 4:4

A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

Mattiu 7:15

“Kamsang taktak ahi lote na muh uh ciangin limtakin kikem un. Amaute in a tungtham ah tuu lim hong pua-in, ahi zongin a sung tawng taktak uh ngia hangsan bang ahi uh hi.

Micah 2:11

Zuau genin khemna tawh thu gen kawikawi a, “Note adingin leenggahzu le khamtheih zu tampi tak hong om ding hi,” a hong ci kamsangte pawl, noteʼ deih kamsangte ahi hi.

Isaiah 30:10

Amaute in thu mu theite tungah, “Mu kei un,” ci uh a, kamsangte tungah, “Koteʼ tungah thuman hong gen kei un. Kote tungah thuzol bek hong gen unla, thutak ahi lote hong gen un.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Johan 7:7

Leitung miteʼ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

ROM (Romans) 16:18

Tua bang mite in i Topa Khrisʼ na a sem hi loin, gilpi vai bek a sem uh ahi hi. Amaute in mite phatin kam khum nono zang uh ahih manin mihoih pawl khat a khem zo uh hi.

Paunak 27:21

Ngun le khamte meikhuk ah kize-et a, mihing ahihleh phatna tawh kize-et hi.

Luka 6:25

Tuhunin a gilvah note in gilkial gimna na thuak ding uh hi. Tuhunin a lungdam note dahin na kap ding uh hi.