Luka 6:25 - Tedim Bible Revision 2017

²⁵ Tuhunin a gilvah note in gilkial gimna na thuak ding uh hi. Tuhunin a lungdam note dahin na kap ding uh hi.

Tedim Bible

²⁵ Tu lai takin an kham note in gimna na thuak ding uh hi. Bang hang hiam na cih uh leh, note na gilkial ding uh hi. Tu lai taka nui note in gimna na thuak ding uh hi. Bang hang hiam na cih uh leh, note in thuumin na kap ding uh hi.

Luka 6:25 Referans Kwoze

Isaiah 65:13

Tua ahih manin Topa Pasian in hih bangin ci hi: En un, ka nasemte in ne ding uh a, ahih hangin note na gilkial ding uh hi. Ka nasemte in dawn ding uh a, ahih hangin note na dangtak ding uh hi. Ka nasemte lungdam ding uh a, ahih hangin note na maizum ding uh hi.

Jeim 4:9

Dahin, thumin, kap un. Na nuihnate uh kahna suaksak zaw unla, na lungdamnate uh maigumna suaksak zaw un.

Paunak 14:13

Nuihna pen cihmawh seelna zong hi thei a, kigualnop sakna a ven ciangin dahna hong kilangkik hi.

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkham huai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Efesa 5:4

A kilawm lo-a kampauna le ciamnuih hoih lo cihte zong na zang kei unla, Pasian tungah lungdamkohna kam na pau zaw un.

Luka 13:28

Pasianʼ Ukna sungah Abraham, Isaac, Jakob le kamsangte khempeuh a omna mu napi-in, note a pua lamah hong kihawlkhiat ciangin tua huna na kahna uh le na ha gawina uh bangzah takin nasia ding ahi hiam?

Luka 12:20

Ahi zongin Pasian in ama kiangah, ‘Mihai pa aw, tu zan mahmah in na si ding hi. Hih na neihsa teng kuaʼn zang nawn ding ahi hiam?’ ci hi,” a ci hi.

Luka 8:53

Amah a sih khitna thei uh ahih manin Jesu a nuihsan lel uh hi.

Nahum 1:10

Amaute, ling lom bangin om uh a, zu le sa tawh kidiahin a om laitakun ham bangin kihal tum ding hi.

Amos 8:10

Na lungdam pawite uh dahna ka suaksak dinga, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun pen a tawp dongin nasia semsem ding hi.

Isaiah 28:7

Hih mite zong leenggahzu tawh hoi-in khamtheih zu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasianʼ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

Isaiah 9:20

Amaute in a taklam a omte ne uh a, ahih hangin a gil uh kial lai veve hi. A veilam a omte ne uh a, ahih hangin kham nai lo uh hi. Mite in amauʼ veengteʼ sa ne ciat uh hi.

Isaiah 8:21

Mite pen gam sungah vak kawikawi-in, nakpi takin lungkhamin gilkial ding uh hi. A gil uh a kial ciangin amaute lungham gawp ding uh a, a kumpipa uh le a Pasian uh hamsiatin van dak ding uh hi.

Thuhilh-sia 7:6

Mihaiteʼ nuihna pen meikuang sunga selkeu kikhul a puak zaizai tawh kibang a, khiatna nei lo, a mawknapi ahi hi.

Thuhilh-sia 7:3

Nuihna sangin dahna hoih zaw hi; na mai hong gumsak zahin na thutheihna hong khangsak hi.

Thuhilh-sia 2:2

Nuihna pen haina ahihna, nopna pen bangmahin a kiman lohna ka mu khia hi.

Paunak 30:9

Hau lua leng nang hong nialin, “Topa i cih kua ahi hiam?” kong ci kha dinga, zawng lua leuleu leng miʼ na guksakin ka Pasianʼ min kong daisak khazel ding hi.

Late 49:19

khuavak a mu nawn lo dingin a si khin sa a pu a pate kiang mahah amah pai veve ding hi.

1 SAMUEL MASA 2:5

A gilvahte in an thalawh uh a, ahih hangin a gilkialte kial nawn lo uh hi. Tasel mi in ta sagih nei a, ahih hangin ta tampi a nei nu a lungzuang hi.

Luka 6:24

“Ahi zongin tuhunin a hau note in nopsakna ngah khin na hih manun gimna na thuak ding uh hi.

Luka 6:26

“Mi khempeuh in note hong pahtakbawl ciangin gimna a thuak ding na hi uh hi. Bang hang hiam cih leh a pu a pate un zong tua bangmahin kamsang zuaute a pahtakbawl uh hi.