Luka 6:23 - Tedim Bible Revision 2017

²³ Vantungah na thaman ding uh lian mahmah ahih manin tua bang na tuah uh ciangin nuamin lungdamin na diang un. Bang hang hiam cih leh a pu a pate un zong tua bangmahin kamsangte tungah a bawl uh hi.

Tedim Bible

²³ Tua lai takin nuam un la, lungdamin na diang un. Bang hang hiam na cih leh, vantungah nop tuamna lian na ngah ding uh hi. A pute a pate un zong kamsangte tua bangin a bawlsia uh hi.

Luka 6:23 Referans Kwoze

Mangmuhna 21:7

A gualzo mi khempeuh in kei tung panin a ngah ding thu in: Kei pen amauteʼ Pasian ka hi dinga, amaute keima ta ahi ding uh hi.

Mangmuhna 3:12

A gualzote pen ka Pasianʼ sutpi-in ka bawl dinga, amaute paikhia ngei nawn lo ding uh hi. Amaute tungah ka Pasianʼ min le ka Pasian kiang vantung panin a hong pai suk ding Jerusalem khua thak min ka gelh dinga, amaute tungah keima min thak zong ka gelh ding hi.

Mangmuhna 3:5

A gualzo mite in tua bangin puan pak silh ding uh a, a nungta mite a kikhumna laibu sung panin amauteʼ min ka phiat kei ding hi. Ka Pa le ama vantung mite kiangah zong keima mite ahihna uh ka pulak ding hi.

Sawltak 5:41

Uliante omna panin sawltakte paikhia uh a, Jesuʼ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Mattiu 5:12

Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.

Mangmuhna 2:26

A gualzo, a tawp dongin keima deihna bangin a gamta zo mite tungah, keimah in ka Pa tung panin ka ngah vangliatnate mah ka pia ding hi. Minam dangte tungah ukna a neih nading uh aana ka pia dinga, leibeel sat khap bangin sik ciangkhut tawh minam dangte sat gawp ding uh hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawl khat le min thak a kigelhna suangkang khat ka pia ding hi. Tua suangkang pen a ngahte sim loh kuamah dang in thei lo ding hi.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasianʼ Huan sunga om nuntakna singgahte a nek theih nadingun thu ka pia ding hi.

1 PETER MASA 4:13

Tua bangin Khris tawh thuak khawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uh ah na lungdam zaw un.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

Sawltak 3:8

Tua ciangin amah hong diangin ding to a, lam a pai kawikawi hi. Tua ciangin biakinn ah amaute zui a, lam paikawm diangkawmin Pasian a phat hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasianʼ kamtaite zahpihin, a thute simmawhin, a kamsangte thusim lo niloh uh hi.

2 SAMUEL NIHNA 6:16

Topaʼ Thuciamna Singkuang David khuapi sung hong tun laitakin tawlet panin Saul tanu a zi Mikhal hong khuadak a, Topaʼ mai ah Kumpi David diangin a lam mu hi. Tua nu in a lungsim sungah amah simmawh hi.

Hebru 11:26

Mai lamah a thaman ding mukhol thei ahih manin Egypt gam sunga hauhna le nopsaknate khempeuh sangin Khris hangin simmawhna thuak taak zaw tham hi, ci-in a ngaihsun hi.

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

2 TIMOTI NIHNA 2:12

Eite in gimna i thuak paisuak zawh leh amah tawh i uk khawm ding hi. Amah i nial leh amah in zong eite hong nial ding hi.

Kolose 1:24

Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khris hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuak zawh hatna piangsak a,

Sawltak 14:10

“Na khe-in ding to in!” nakpi takin a ci hi. Tua mipa zong dingin lam pai kawikawi dingin a kipan hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian dinga, a Lianpen Pasianʼ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Luka 1:44

Bang hang hiam cih leh nong hopihna awging ka zak phetin ka sunga naungek nuamin a diang hi.

Luka 1:41

Elizabeth in Mary’ hopihna awging a zak ciangin a sunga a naupaii a hong diang hi. Elizabeth zong Kha Siangtho tawh hong kidim a,

Jeremiah 2:30

Na tate uh thuhilhin ka sat hangin a mawkna suak zo ta hi. Amaute kibawl pha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Isaiah 35:6

Tua ciangin khebai mipa diangin lam dinga, a pau thei lo mipa in lungdamin la sa ding hi. Bang hang hiam cih leh gamlak ah tui hong phul khia dinga, sehnel gam sungah luitui hong luang ding hi.

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkik nadingun amaute a hilh na kamsangte that uh a, amaute in gendai mawhna lianpi bawl uh hi.

2 KUMPI NIHNATE 6:31

Tua ciangin amah in, “Tu ni-in Shafatʼ tapa Elishaʼ lutang a kitankhiat kei taak leh Pasian in kei hong dawm kei tahen,” a ci hi.

1 KUMPI MASATE 22:27

Tua ciangin, ‘Kumpipa in hih bangin ci hi: “Hih mipa thong sungah koih unla, lungnuamin kei kong ciahkik matengin anletui tawmno cik bek tawh vak un,” ci hi,’ va ci un,” a ci hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlahʼ tapa Mikaiah a kici mi khat om lai hi. Ahih hangin amah in keiʼ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 21:20

Ahab in Elijah a muh ciangin, “Ka galpa aw, kei hong mu na hi hiam?” a ci hi. Amah in dawngin, “Topaʼ muhna ah a sia a gamta dingin nangmah kipiatawm na hih manin nang kong mu hi.

1 KUMPI MASATE 19:14

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that uh hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 19:10

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tu bang hunin amaute na thah bangin nangmah kong thah kei taak le pasian-te in kei hong dawm kei tahen,” cisak hi.

1 KUMPI MASATE 18:4

Jezebel in Topaʼ kamsangte a hon thah lai-in Obadiah in kamsang za khat la-in sawm nga sawm nga-in leihawm sungah seel a, amaute anletui tawh a vak hi.)

Late 58:11

Mite in, “Thuman mi ading noptuamna om taktak a, leitung thu a khen Pasian khat om taktak hi,” ci ding uh hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.