Luka 6:14 - Tedim Bible Revision 2017

¹⁴ Tuate in: Simon (Peter ci-in min a phuah pa) le a naupa Andru, James le a nau Johan, Filip, Bartholomew,

Tedim Bible

¹⁴ Tuate in: Simon, a min thak a phuah Piter leh a naupa Andru, Jakob leh Johan, Filip leh Bartholomai,

Luka 6:14 Referans Kwoze

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeasʼ tapa James, Simon (gam khual pa) le Jamesʼ tapa Judas a tunna uh inn dei ah a kah to uh hi.

Mattiu 4:21

Tua lai panin a paikhiat khit uh ciangin Zebedi tapa James le Johan-te unau, a pa uh tawh gunkuang sungah ngen puah in a om mu leuleu a, amau tegel zong a sam hi.

Mattiu 4:18

Galilee Tuili gei ah Jesu a pai laitakin ngabeng Peter a kici Simon le a nau Andru, ngen tawh nga khuhin a om a mu hi.

2 PETER NIHNA 1:1

Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

Sawltak 12:2

Johanʼ u James pen namsau tawh thatsak hi.

Johan 14:8

Tua ciangin Filip in, “Topa aw, Pa hong lak lecin ka lung uh kim pah ding hi,” a cih leh

Johan 6:8

Tua laitakin a nungzuite sung panin Simon Peterʼ nau Andru in Jesu kiangah,

Johan 6:5

Jesu khuadak a, ama lamah mihonpi hong pai muaimuai a muh ciangin Filip kiangah, “Hih mihonpiteʼ nek ding an koici ngah theih ding ihi hiam?” ci-in a dong hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa le kamsangte in zong a gelh mipa ka mu khin uh hi. Amah Jesu hi a, Nazareth khuami Josefʼ tapa ahi hi,” a ci hi.

Luka 5:10

Tua mah bangin Simonʼ lawmte ahi, Zebediʼ tapa James le Johan-te in zong lamdang a sa uh hi. Jesu in Simon kiangah “Lau kei in. Tu a kipanin ngasa mat bangin mi tampi a man pa na suak ding hi,” a ci hi.

Luka 5:8

Simon Peter in hih thu a muh ciangin Jesuʼ mai ah khukdin a, “Topa aw, mawhnei mi ka hih manin ka kiang panin paikhia in,” a ci hi.

Marka 14:33

Tua ciangin Peter, James le Johan-te paipih lai a, nakpi takin lungkhamin a dahna hong kipan hi.

Marka 9:2

Tua zawh ni guk khit ciangin Jesu in Peter, James le Johan-te samin amauteng guak mual tung khat ah a paipih to hi. Amauteʼ muh tangpi mahin Jesu a mel hong kikheel a,

Marka 5:37

Tua lai panin Jesu in Peter le James le a nau Johan longal kuamah dang kizuisak nawn lo hi.

Marka 1:29

Tua ciangin kikhopna inn panin amaute pai khia-in Simon le a nau Andruʼ inn ah paisuak pah uh a, James le a nau Johan in zong a zui uh hi.

Marka 1:19

Tawm khat a pai khit ciangin Zebediʼ tapa James le a nau Johan zong, a gunkuang tung uh ah a ngen uh khui-in a om a mu leuleu hi.

Mattiu 10:3

Filip le Bartholomew, Thomas le siahdongpa Matthai, Alfeasʼ tapa James, Thaddeas,

Mattiu 10:2

Tua sawltak sawm le nihteʼ min in: A masa-in Simon (Peter zong a kici pa) le a naupa Andru, Zebediʼ tapa James le a naupa Johan,

Marka 3:16

Tua a teel mi sawm le nihte: Simon (Jesu in a min thak dingin Peter a phuah pa),

Luka 6:13

Khua a vak ciangin a nungzuite sam a, amaute sung panin sawm le nih teel khia-in sawltakte ci-in min a phuak hi.

Luka 6:15

Matthai, Thomas, Alfeasʼ tapa James, Simon (gam khual pa),