Luka 6:1 - Tedim Bible Revision 2017

¹ Sabbath ni khatin mangbuh lo nawkin Jesu le a nungzuite a pai uh hi. A nungzuite in mangbuh vuite zut uh a, a khut sung uh ah nuai-in a ne uh hi.

Tedim Bible

¹ Nipi ni khatvei Zeisu in buhlei ah a vak leh, a nungzuite in buhvui zut uh a, khut tawh nuai-in a ne uh hi.

Luka 6:1 Referans Kwoze

Thu-hilhkikna 23:25

Na veengpaʼ ankungte lakah na pai uh ciangin na khut uh tawh a vuite na zut thei ding uh a, ahih hangin phiaukawi tawh na veengpaʼ ankungte na at kei ding uh hi.

Siampi Laibu 23:7

A ni masa ni-in note in a siangtho kikhopna khat na nei ding uh a, thatang nasep na sem kei ding uh hi.

Paikhiatna 12:15

Topa in, “Note in ni sagih sung silngo sawh loh anlum na ne ding uh hi. A ni masa ni-in note in na inn panun silngo na hem khia ding uh hi. Bang hang hiam cih leh khatpeuh in a ni masa ni panin a ni sagih ni dong silngo sawh a nek leh, Israel mi-in tua mipa kiseh nawn lo ding hi.

Thu-hilhkikna 16:9

“An na lak masak ni uh a kipanin nipikal sagih na sim to ding uh hi.

Siampi Laibu 23:15

“Note in Sabbath khit a zing ciang, vei-a biakna anlom na paipih ni uh a kipan nipikal sagih bit dong a ni na sim to ding uh hi.

Luka 5:39

Kuamah in leenggahzu lui a nek khit ciangin a thak ne nuam nawn lo hi. Bang hang hiam cih leh amah in, ‘A lui khum zaw hi,’ ci hi,” a ci hi.

Luka 6:6

Sabbath a nidang khatin kikhopna inn khat ah Jesu pai-in thu a hilh hi. A khut taklam a zaw mi khat tua lai ah na om hi.