Luka 5:36 - Tedim Bible Revision 2017

³⁶ Tua ciangin Jesu in thu gentehna dang khat zong gen a, “Mi khat in puan thak khat eu khia-in puan lui thuapna-in nei lo hi. Tua bangin hih leh a puan thak pen a keeksak suak dinga, a puan thak eukhiat zong a puan lui tawh etlawm lo ding hi.

Tedim Bible

³⁶ Tua lai takin Zeisu in thugentehna thu a hilh-inah, “Kuamah in puan thak bek khat eukhia a, puan lui a thuap ngei kei uh hi. Tua bang a thuap leh, a puan thak keek a, puan thak bek in puan lui tawh a kilem kei ding hi.

Luka 5:36 Referans Kwoze

2 KORIN NIHNA 6:16

Pasianʼ biakinn le lawkiteʼ milim bangci kilem theih ding ahi hiam? Bang hang hiam cih leh Pasian in, “Ka mite lakah teengin amaute tawh ka om khawm ding hi. Kei pen amauteʼ Pasian ka hi dinga, amaute, keima mi ahi ding uh hi.

Thu-hilhkikna 22:11

“Samul le khau a kigan khawm puan na silh kei ding uh hi.

Siampi Laibu 19:19

“Note in ka thukhamte na zui ding uh hi. Note in na ganhingte uh a namdang tawh ta na neisak kei ding uh hi. Note in na lo uh ah khaici nam nih na pawikhawm kei ding uh a, khau nam nih a kigan puan zong na silh kei ding uh hi.

Luka 5:35

Amaute kiang panin zineipa a kipaikhiat pih hun hong tung dinga, tua hun ciangin tang ding uh hi,” ci-in a dawng hi.

Luka 5:37

Kuamah in savun um lui sungah leenggahzu thak thun ngei lo hi. Thun zenzen leh leenggahzu thak in a savun um phu kham dinga, a leenggahzu bua-in, a savun um zong kisia ding hi.