Luka 5:24 - Tedim Bible Revision 2017

²⁴ Mihing Tapa in leitungah mawhna maisak theih nading vangliatna nei hi, ci-in na theih nadingun kong lak ding hi,” a ci hi. Tua ahih ciangin khutlekhe zaw mipa kiangah, “Tho inla, na lupna pheek pua-in na inn ah ciah in,” a ci hi.

Tedim Bible

²⁴ Ahih hangin Mihing Tapa in leitungah mawhna a maisak theih nading thu a neih lam na theih nadingun, ‘Tho in, na lupna pua in la, na innah ciah in,’” ci-in khut leh khe sipa kiangah a ci hi.

Luka 5:24 Referans Kwoze

Mangmuhna 1:13

Tua meivakte lakah, puantualpi khat silhin a awm-ah kham kibawl awmgak a gak, mi tawh a kibang khat ka mu hi.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

Sawltak 14:10

“Na khe-in ding to in!” nakpi takin a ci hi. Tua mipa zong dingin lam pai kawikawi dingin a kipan hi.

Sawltak 9:40

Peter in inn sung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tu to hi.

Sawltak 9:34

Peter in tua pa kiangah, “Aineas aw, Jesu Khris in nang hong damsak hi; tho-in na lupna zial in,” a ci hi. Amah zong thakhatin tho to pah hi.

Sawltak 5:31

Israel mite kisikkikin Pasian in a mawhna uh a maisak theih nadingin Ukpi le Honpa-in tua Jesu bawlin ama tak lamah a tusak hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piak theih nadingin mi khempeuh tungah ukna aana a neih nadingin Tapa tungah na hong piak sa ahi hi.

Johan 11:43

a cih khit ciangin nakpi takin kiko-in, “Lazaras aw, hong pusuak in,” a ci hi.

Johan 5:27

Amah pen Mihing Tapa ahih manin thu khen theih nading aana ama tungah a pia hi.

Johan 3:13

Vantung panin a hong pai suk Mihing Tapa keimah sim loh vantungah a pai to ding kuamah om lo hi,” a ci hi.

Luka 8:54

Ahi zongin Jesu in numeino a khutin lenin, “Numeino aw, tho in,” a ci hi.

Luka 7:14

Tua ciangin pai-in a hankuang va len a, si puate zong a khawl pah uh hi. Tua ciangin Jesu in, “Tangval aw, tho in, kong ci hi,” a ci hi.

Luka 5:13

Jesu in zong a khut zanin amah lawng a, “Kong damsak nuam hi; dam ta in,” ci-in a dawng hi. Tua khit phetin a phak natna a dam pah hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mattiu 26:64

Tua ciangin Jesu in, “Nangmah in tua mah na ci khin hi. Ahi zongin note khempeuh kiangah ka hong genin ah: Vanglian paʼ tak lamah Mihing Tapa omin meii tungah a hong pai na mu ding uh hi,” a ci hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Mattiu 16:13

Sisaria Filippi gam a tun uh ciangin Jesu in a nungzuite kiangah, “Mite in Mihingʼ Tapa kei kua hi hong ci uh ahi hiam?” ci-in a dong hi.

Mattiu 9:6

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhe zaw mipa kiangah, “Tho in; na lupna pheek pua inla na inn ah ciah in,” a ci hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Luka 5:18

Mi pawl khat in khutlekhe zaw mi khat a lupna pheek tawh hong pua uh a, inn sungah paipihin Jesu mai ah koih ding a hanciam uh hi.

Luka 5:23

‘Na mawhnate hong kimaisak hi,’ cih ding baih zaw ahi hiam, tua ahih kei leh, ‘Tho inla, lam pai in,’ cih ding baih zaw ahi hiam?