Luka 5:21 - Tedim Bible Revision 2017

²¹ Tua ciangin Thukham hilh siate le Farisi mite in a lungsim sung uh ah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Tedim Bible

²¹ Laitheite leh Farisaite in, “Pasian tungah a pau a khial hih mi kua mi ahi hiam? Pasian longal kua in mawhna maisak zo hiam?” ci-in a ngaihsun uh hi.

Luka 5:21 Referans Kwoze

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

Johan 10:33

mihonte in, “Nasep hoih na sep manin hong deng nuam ka hi kei uh a, Pasian na simmawh bawl manin hong deng nuam ka hi uh hi. Nang pen mi hi lel hi napi-in Pasian na kineih nuam hi,” ci-in a dawng uh hi.

Luka 7:49

Tua ciangin Jesu tawh sabuai ah an a nekhawm midangte in a lungsim sung uh ah, “Mawhna nangawn a maisak hih mipa kua ahi hiam?” a ci uh hi.

Mattiu 26:65

Tua ciangin siampi lianpen pa in a puan bal kek a, “Pasianʼ tungah a pau khial zo hi. Bang thudang kisam nawn ahi hiam? A paukhialhna na za uh hi.

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topaʼ tungah ka pulak ding hi,” ka ci hi. Tua ciangin ka mawhna nin nong maisak hi.

Siampi Laibu 24:16

Topaʼ min a gen sia mipa kithat ding hi. Mihonte khempeuh in amah deng lum ding uh hi. Peemta hitaleh tualsung mi hitaleh, Min Siangtho a gensiate kithat ding hi.

ROM (Romans) 8:33

Pasian in mawh lo hi, ci-in a gen khit sa ahih manin, Pasianʼ teel sa mite tungah kua in mawhna guan thei nawn ding ahi hiam?

Daniel 9:19

Topa aw, kong thungetna uh hong za inla, ka mawhna uh hong maisak in. Topa aw, hong ngai inla hong sem in! Mi khempeuh in Pasian na hih lam a hong theih nadingun hong zekai kei in. Hih khuapi le hih mite na neihsa ahi hi,” ka ci hi.

Daniel 9:9

Nang pen hehpihna tawh kidimin mawhna na maisak a, ahih hangin kote in nang ka hong langpan uh hi.

Isaiah 44:22

Na thupalsatnate meiipi bangin na khialhnate meii lum bangin ka phiat khia khinzo hi. Hong hon khia khin ka hih manin kei kiangah hong ciahkik in.

Isaiah 1:18

Topa in hih bangin ci hi: “Tu-in hong pai unla, thu kikum khawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Late 130:4

Ahih hangin nangmah hong kizahtak theih nadingin nangmah in mawhna na maisak hi.

Late 103:3

Amah in ka mawhna khempeuh hong maisak a, ka natna khempeuh hong damsak hi.

Luka 5:17

Khat vei, Jesu in thu hilhin a om laitakin, Galilee gam, Judea gam le Jerusalem khua pan hong pai Farisi-te le Thukham hilh siate pawl khat tua lai munah a tu uh hi. Jesu tungah cina damsak theih nading Pasianʼ vangliatna kipia hi.

Mattiu 9:3

Tua ciangin Thukham hilh siate pawl khat in a lungsim uh ah, “Pasian tawh a kikim bangin kampau ahih manin hih mipa in Pasian a dem ahi hi,” ci-in a ngaihsun uh hi.

Micah 7:19

Kote nong khasiatkik dinga, ka mawhnate uh hong sawp khiatsakin, tuipi taw ah nong paihsak ding hi.

Late 35:5

Topaʼ vantungmiʼ hawlna tawh huih letkhiat ansite tawh amaute kibangsak in.

Luka 3:8

Na kisikna uh a kilat nadingin gamta un. Note khatlekhat in, ‘Abrahamʼ suante ihi ngawn hi,’ mawk cih kei un. Keʼn kong cih in ah, Pasian in hih suangte nangawn Abrahamʼ suanlekhakte-in bawl thei lel hi.

Luka 5:22

Jesu in amauteʼ ngaihsutna thei ahih manin amaute kiangah, “Bang hangin tua bangin ngaihsun na hi uh hiam?