Luka 5:19 - Tedim Bible Revision 2017

¹⁹ Mihon tam lua ahih manin a lutpih nading uh lampi om lo hi. Tua ahih ciangin innkhum zang ah kah pih to-in innkhum hong let uh a, mihonteʼ lak, Jesuʼ omna mai sanah a lupna pheek tawh a khai suk uh hi.

Tedim Bible

¹⁹ Mihonpi kikhawm ahih manin, lut nading lam a muh zawh loh uh ciangin, innkhum tungah kahto uh a, innkhum a vuhlet khit uh ciangin, lupna tawh cinapa Zeisu mai-ah mite lai zangah a khiasuk uh hi.

Luka 5:19 Referans Kwoze

Marka 2:4

Ahi zongin mihonpi kineh lua ahih manin Jesu kiangah paipih thei lo uh hi. Tua ahih manin Jesuʼ omna san inn tungkhum hong letin, a lupna pheek tawh a mipa a khai suk uh hi.

Mattiu 10:27

Zan khuamial sunga kong gente, sun khuavak sungah taangko unla, a simthamin kong huau thute, inn khumdawn zang ah na taangko un.

Thu-hilhkikna 22:8

“Na inn tung panun mi khat kia-in mi sihna hanga mawhna na inn sung uh ah na tunsak khak loh nadingun inn thak na lam uh ciangin na inn khumzang uh ah tangban na khung ding uh hi.

Mattiu 24:17

inn tungah a om mite zong, inn sungah van a la dingin lut nawn kei uh hen.

Jeremiah 19:13

Jerusalem khua-a innte le Judah kumpiteʼ innte a kipan, innkhum zang ah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

2 SAMUEL NIHNA 11:2

Khat vei nitak lamin a lupna panin David tho-in kumpi innkhum zang ah a pai leh inn khumzang panin amah in numei khat a kisil gal muh kha hi. A numei mel hoih mahmah hi.

1 SAMUEL MASA 9:25

Amaute mual tunga biakna panin khuapi sungah a pai suk uh ciangin innkhum zang ah Saul adingin lupna khat na kiphah a, a ihmu dingin amah lum suk hi.