Luka 5:17 - Tedim Bible Revision 2017

¹⁷ Khat vei, Jesu in thu hilhin a om laitakin, Galilee gam, Judea gam le Jerusalem khua pan hong pai Farisi-te le Thukham hilh siate pawl khat tua lai munah a tu uh hi. Jesu tungah cina damsak theih nading Pasianʼ vangliatna kipia hi.

Tedim Bible

¹⁷ Ni khat Zeisu in thu a hilh lai takin, Jerusalem khuapi pan a kipan Galile gam leh Judah gam khua khempeuh pan hong pai Farisaite leh Pasian’ Thukham siate in a kiangah a tu uh hi. Cinatna a damsak thei dingin Topa’ vangliatna Zeisu tungah a tung hi.

Luka 5:17 Referans Kwoze

Luka 6:19

Jesuʼ tung panin vangliatna pai khia-in mi khempeuh damsak ahih manin mi khempeuh in amah lawn ding a hanciam uh hi.

Luka 8:46

Ahi zongin Jesu in, “Ka sung panin vangliatna a paikhiat lamtak phawk ka hih manin mi khat in hong lawng hi,” a ci hi.

Sawltak 19:11

Pasian in Paulʼ tungtawnin nalamdang lian pipi a bawl hi.

Mattiu 11:5

Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Sawltak 4:30

Cinate damsak theih nading vangliatna hong pia inla, a siangtho na Nasem pa Jesuʼ min tawh nalamdang kibawl tahen,” a ci uh hi.

Marka 7:1

Tua laitakin Jerusalem panin a hong pai Farisi mite le Thukham hilh siate, Jesu kiangah hong kikhawm uh hi.

Marka 5:30

Jesu in ama sung panin a vangliatna a paikhiat lam phawk pah ahih manin mihonpite lakah khuadakin, “Kua in ka puan hong lawng na hi uh hiam?” a ci hi.

Mattiu 15:1

Tua ciangin Jerusalem khua panin Farisi mite le Thukham hilh siate, Jesu kiangah hong pai uh a,

Johan 3:21

Ahi zongin thumanin a gamta mite ahihleh a gamtatnate uh Pasianʼ deihna tawh kituak hi, ci-in a kilatsak theih nadingun khuavak sungah a pai uh hi.

Luka 2:46

A ciah zawh uh a ni thum ni ciangin biakinn sungah amah mu uh a, siate lakah tu-in a thugen uh ngai-in, thu zong dong zelin a om a mu uh hi.

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Luka 7:30

Ahi zongin Farisi mite le Thukham hilh siate in Pasianʼ deihna nialin Johan khut sungah tui kiphum ding ut lo uh hi.

Luka 5:30

Amaute sung panin Farisi mite le Thukham hilh siate pawl khat nungzuite tungah phun uh a, “Bang hangin siahdongte le mawhneite tawh an nekhawm tui dawn khawm na hi uh hiam?” ci-in a dong uh hi.

Luka 5:21

Tua ciangin Thukham hilh siate le Farisi mite in a lungsim sung uh ah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Marka 16:18

Gul a lawn hangun bangmah ci lo ding uh a, gu tui a dawn hangun zong bangmah ci lo ding uh hi. Cinate tungah a khut uh nga ding uh a, cinate dam ding uh hi,” a ci hi.)

Marka 3:22

Jerusalem khua pan a hong pai Thukham hilh siate pawl khat in, “Hih pa sungah Beelzebul lut hi. Dawimangpa in ama tungah dawi hawlkhiat theih nading vangliatna pia hi,” a ci uh hi.

Marka 1:45

Ahih hangin a mipa pai khia-in a paina khempeuh ah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin miteʼ theihin khua sungah Jesu lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Johan 3:10

Jesu in, “Israel miteʼ sia hi napi-in hih thu theithei lo na hi hiam?

Sawltak 5:34

Ahi zongin amaute sung panin Farisi mi Gamaliel, Thukham hilh sia khat ahi, mi khempeuh in zong a zahtak bawl mipa khat hong dinga, tawl khat sung sawltakte a kipusuah pih nadingin thu pia a,