Luka 5:14 - Tedim Bible Revision 2017

¹⁴ Tua ciangin Jesu in ama kiangah, “Hih thu kuamah dang kiangah gen kei in. Siampipa kiangah paisuak pah inla, kivelsak in. Tua ciangin na damna thu a kilat nadingin Moses thupiak mah bangin biakna pia in,” ci-in thu a pia hi.

Tedim Bible

¹⁴ Zeisu in hih thu kuama kiangah a gen loh nadingin thu a pia hi. “Pasian’ siampi kiangah pai in la, va kilak in. Amau in a theih nadingun Moses’ thu piaksa bangin biakna na pia in,” a ci hi.

Luka 5:14 Referans Kwoze

Luka 17:14

Jesu in amaute a muh ciangin, “Pai unla siampite va kivelsak un,” a ci hi. Amaute a va pai uh ciangin lamkal ah a dam uh hi.

Mattiu 8:4

Tua ciangin Jesu in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na dam khitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Marka 1:44

“Hih thu kuama kiangah gen kei in. Siampipa kiangah paisuak pahin amah kivelsak in. Tua ciangin na damsiangna thu mi khempeuh in a theih nadingin Moses thupiak sa bangin biakpiakna bawl in,” a ci hi.

Mattiu 12:16

Pasian in kamsang Isaiah tungtawnin a gen thu a tun theih nadingin, kuama kiangah ama thu a gen loh nadingun thu a pia hi. Tua a genna ah,

Mattiu 9:30

Tua ciangin amaute in khua mukik uh a, Jesu in amau tegel kiangah, “Hih thupiang kuamah theisak kei un,” ci-in khauh takin a gen hi.

Siampi Laibu 13:2

“Mi khat in ama pumpi vun tungah a bawk ahi a, meima ahi a, a mel tuampian ahi zongin a neih a, tua pen ama pumpi vun tungah phak natna a suah leh, tua pa pen siampipa kiang ahi a, ama tapa siampi khat peuhpeuh kiangah ahi zongin kipaipih ding hi.

Luka 9:5

A inn uh ah a hong tunsak nop lohna khua peuhpeuh panin na paikhiat uh ciangin amaute hilhkholhna in na khe uh a leivui baangte sinsan un,” ci-in a vaikhak hi.

Marka 6:11

Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Mattiu 10:18

Keima hangin gam ukte le kumpite mai ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gen theih nading hunhoih a nei na hi uh hi.

Siampi Laibu 13:49

tua natna pen a hing melin ahi a, a san melin ahi zongin puan tungah a kilat ciang, puan a tung a phei tung hitaleh savun le savun tawh a kibawl na khat peuhpeuh tungah a om ciangin, tua pen phak natna hi a, siampipa kiangah kilak ding hi.

Luka 5:13

Jesu in zong a khut zanin amah lawng a, “Kong damsak nuam hi; dam ta in,” ci-in a dawng hi. Tua khit phetin a phak natna a dam pah hi.