Luka 5:10 - Tedim Bible Revision 2017

¹⁰ Tua mah bangin Simonʼ lawmte ahi, Zebediʼ tapa James le Johan-te in zong lamdang a sa uh hi. Jesu in Simon kiangah “Lau kei in. Tu a kipanin ngasa mat bangin mi tampi a man pa na suak ding hi,” a ci hi.

Tedim Bible

¹⁰ Tua mah bangin Simon’ lawmte Zebedi’ tapa Jakob leh Johante in zong lamdang a sa uh hi. Zeisu in Simon kiangah, “Lau kei in. Tu-a kipan nang in mite na man ding hi,” ci-in a gen hi.

Luka 5:10 Referans Kwoze

Mattiu 13:47

“Vantung ki-ukna pen tui sungah kipaai-in ngasa namkim a awkna ngen tawh zong kibang hi.

Mattiu 4:19

Jesu in amaute kiangah, “Kei hong zui un; nga mat bangin pawl tampi a ngah thei mi kong suaksak ding hi,” ci hi.

Marka 1:17

Jesu in amau tegel kiangah, “Kei hong zui un; nga mat bangin mi tampi a huaite kong suaksak ding hi,” a ci hi.

Luka 5:7

A gunkuang dang khat ah a om a lawmte hong pai-in a huh nadingun a khut uh a van uh hi. Amaute zong hong pai uh a, gunkuang tegel sungah ngasa a dimtakin guang uh ahih manin a gunkuang tum dektak hi.

2 KORIN NIHNA 8:23

Titus ahihleh note ading ka nasepna ah ka kikholh pih ka nasep pih mi hi a, amah tawh hong kithuah ka sanggam tegel uh ahihleh pawlpiteʼ tang hi uh a, Khrisʼ min a thangsakte ahi uh hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Luka 6:14

Tuate in: Simon (Peter ci-in min a phuah pa) le a naupa Andru, James le a nau Johan, Filip, Bartholomew,

Mattiu 20:20

Tua ciangin Zebedi tate James le Johanʼ nu, a ta tegel tawh Jesu kiangah hong pai-in a mai ah khukdinin hong thum hi.

Mattiu 14:27

Jesu in amaute hopih pah a, “Na lungsim uh hangsak un. Keimah ka hi hi. Lau kei un,” a ci hi.

Mattiu 4:21

Tua lai panin a paikhiat khit uh ciangin Zebedi tapa James le Johan-te unau, a pa uh tawh gunkuang sungah ngen puah in a om mu leuleu a, amau tegel zong a sam hi.

Luka 5:9

Tua zahin ngasa tampi a matna hangun amah le a lawmte in lamdang a sa mahmah uh hi.

Johan 21:2

Simon Peter, Unau Peeng min no a nei Thomas, Galilee gam Kana khuami Nethanel, Zebediʼ tapate le nungzui dang nihte mun khat ah a om khawm uh hi.

2 TIMOTI NIHNA 2:26

Dawimangpa in ama deihna bangin a gamta dingin a mat khit hangin ama thang panin amaute suakta kha thei ding uh hi.