Luka 5:1 - Tedim Bible Revision 2017

¹ Khat vei, Gennesaret Tuili gei ah Jesu dingin a om laitakin, mite in Pasianʼ thu za nuamin Jesu hong nehcip uh hi.

Tedim Bible

¹ Tua lai takin Zeisu kiangah, mihonpite in neh uh a, Pasian thu a ngaih lai takun Gennesaret tuili geiah amah a ding hi.

Luka 5:1 Referans Kwoze

Marka 3:9

Mihonte tam lua mahmah ahih manin amaute in Jesu a nehcip gawp khak loh nadingin ama om nading gunkuang khat a koih nadingun a nungzuite a sawl hi.

Mattiu 14:34

Tui a kantan khit uh ciangin Gennesaret gamah a tung uh hi.

Marka 6:53

Tui a kantan khit uh ciangin Gennesaret gam tung uh a, tui gei ah a gunkuang uh a khih uh hi.

Mattiu 11:12

Tuiphumpa Johanʼ thuhilh hun a kipan tu ciang dong, mite in vantung ki-ukna thu hong kituhteh gawp uh a, thahat thu hong ciam uh hi.

Thu-hilhkikna 3:17

Arabah gam zong, a gamgi dingin Jordan tawh, Khinnereth pan nisuahna lam a om Pisgah mual pang nuai-a Ci Tuipi ahi Arabah tuipi ciang dong amaute ka pia hi.

Gamlak-vakna 34:11

Gamgi pen Shefam panin Ain nisuahna lam Riblah dongah pai suk ding hi. Gamgi pai suk lai-in nisuahna lamah Khinnereth tuipi liangko dong ban ding hi.

Luka 12:1

Mi a tul tampite hong kikhawmin khatlekhat a kisik kha gawp dongin kinehcipin a om laitakin Jesu in a nungzuite kiangah thu gen masa a, “Farisi miteʼ kineihkhemna ahi, a silngo uh limtakin kidawm un.

Marka 5:24

Jesu zong, tua mipa tawh a paikhia khawm hi. Mi tampi tak in zong zui uh ahih manin Jesu a nehcip uh hi.

Luka 8:45

Tua ciangin Jesu in, “Kua in hong lawng na hi uh hiam?” a ci hi. Kuamah in, “Hong lawng ing,” a cih loh ciangin Peter in, “Topa aw, mi khempeuh in nang hong umcihin hong nehcip uh hi,” a ci hi.

Joshua 13:27

le Beth-haram kuam sungah Beth-nimrah, Sukkoth le Zafon, Jordan gal khat nisuahna lam, Khinnereth Tuipi a niamna lam mong ciang, Jordan gamgi-in a nei, Heshbon kumpipa Sihonʼ kumpi gam a om lai teng ahi hi.

Marka 4:1

Jesu in Galilee Tuili gei ah thuhilh ding kipankik leuleu hi. Ama kiimah a kikhawm mite tam lua ahih manin gunkuang sungah pai-in a tu hi. A gunkuang pen tui tungah om a, mihonpite ahihleh tui gei leilak ah om uh hi.

Luka 5:2

Jesu in tui gei ah gunkuang nih a om a mu hi. Tua gunkuang nei ngasa bengte a gunkuang panun tuak khia-in tui sungah a ngente a sawp uh hi.

Luka 8:22

Ni khat, Jesu a nungzuite tawh gunkuang tungah tuang a, amaute kiangah, “Tuili gal khat ah pai ni,” ci-in a pai uh hi.

Luka 8:23

Tua bangin a pai laitakun Jesu a ihmu hi. Tui tungah nakpi takin huihpi hong nungin gunkuang sungah tui dim dingin hong kipan a, lauhuai mahmah hi.

Luka 8:33

Tua ahih manin dawite zong mipa sung panin pai khia-in vokte sungah lut uh a, vokte zong tui gei keen tung khawngah tuak suk gawpin a vekpi-in tui a kia hi.

Johan 1:40

Johan kampauna za-in Jesu a zui nihte sung panin khat pen Simon Peterʼ naupa Andru ahi hi.

Johan 6:1

Tua khit ciangin Tiberias zong a kici Galilee Tuili gal khat lamah Jesu a pai hi.

Hebru 13:7

Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.